Mandi Api
Mandi Api inggih punika buku kempalan carita cekak anggitanipun sastrawan Gde Aryantha Soethama ingkang dipunbabar déning Penerbit Buku Kompas taun 2006. Buku punika nglumantaraken namanipun Gde Aryantha Soethama nampi bebungah Kusala Sastra Khatulistiwa ing kategori Prosa taun 2006, sesarengan kaliyan Dorothea Rosa Herliany miyos pakaryanipun, Santa Rosa ing kategori Puisi.[1][2][3][4]
 | |
| Panganggit | Gde Aryantha Soethama |
|---|---|
| Basa |  Indonésia |
| Gènre | Kumpulan cerita pendek |
| Pangecapan | Penerbit Buku Kompas |
Kala babar | 2006 |
| Kaca | 174 halaman |
| ISBN | 978-979-70-9239-9 |
Latar wingking
besutMandi Api ngandhut selikur carita cekak ingkang sedayanipun naté dipunmot wonten sawenèh ariwarta antawisipun Kompas, Horison (majalah), Bali Post, lan sawenéh ariwarta ing manca nagari. Buku punika nglumantaraken Gde Aryantha Soethama nampi bebungah saking Kusala Sastra Khatulistiwa ing kategori Prosa taun 2006, nyisihaken buku-buku sanèsipun anggitan Budi Dharma, Gus tf Sakai, Kurnia Effendi, lan Dewi Lestari.
Mandi Api kasuguhaken kanthi basa ingkang biyasa kemawon lan gampil dipunmangertosi, nanging tansah wonten satunggalipun pangagèt ing pungkasan cariyos. Kanthi latar wingking minangka juru warta, Gde Aryantha Soethama saget nyuguhaken cariyos napa wontenipun, ingkang dipunraosaken babagan kaanan ing Bali ingkang sanès pethak-cemeng kados saget kapirsani wonten brosur-brosur wisata. Kathah pérangan ingkang klawu lan adamel prihatos.
Kawiwitan kanthi cariyos ingkang lataripun prakawis sosial-psikologis kados ta sesémahan salebetipun puri (bangsawan) kaliyan warga alit, panyadéyan sarana kasenian terompong beruk, pandamelan banten (sajèn), upacara macaru, lan kaanan cuntaka (lelayu). Gde Aryantha nggambaraken kaanan kabudayan Bali wonten salebetipun jaman maju ingkang sansaya modhèren. Bilih nama ageng Bali minangka papan palancongan pranyata mboten sadrema maringi katentreman, nanging ugi kathah prakawis. Kempalan carita cekak punika awujud potrèt sosiokultural Bali ingkang dipunsuguhaken kanthi saé lan prayogi.
Ugi pirsani
besutRujukan
besut- ↑ Kusala Sastra Khatulistiwa Archived 2015-02-23 at the Wayback Machine. kapundhut 11 Mèi 2017
- ↑ World Cat: Mandi Api kapundhut 11 Mèi 2017
- ↑ Good Reads: Mandi Api kapundhut 11 Mèi 2017
- ↑ Bukupedia: Mandi Api Archived 2015-07-11 at the Wayback Machine. kapundhut 11 Mèi 2017
| Artikel iki minangka artikel rintisan. Kowé bisa ngéwangi Wikipédia ngembangaké. |