Marwan Batubara
Ir. Marwan Batubara, Msc (lair ing Delitua, Sumatra Lèr, 6 Juli 1955; umur 69 taun) inggih punika tilas General Manager PT. Indosat lan naté lenggah ing kursi Dhewan Perwakilan Dhaérah (DPD) nalika Pemilu Législatif taun 2004.[1] Panjenenganipun naté damel Yayasan Ummat (Ummat Muslim Indosat), satunggalipun yayasan ingkang sampun mbiyantu maringi ampilan modhal dhateng pangusaha alit.[1] Marwan ugi aktif minangka Ketua Yayasan Tanmia, ingkang sareng-sareng kaliyan Yayasan DSUQ lan ngoprasekaken klinik gratis ing wewengkon-wengkon ingkang kumuh kados ing Pulo Gadung, Ancol, Krukut, lan Grogol.[1] Sanèsipun punika Marwan ugi naté njabat dados Ketua Komite Penyelamat Kekayaan Nagara.[2] Marwan murnakaken pendidikan dhasaripun ing taun 1967 lan SMP ing taun 1970 ing Delitua.[1] Panjenenganipun nglajengaken dhateng SMA Negeri 3 Medan.[1] Kanthi pambiyantunipun paklikipun, Marwan kasil murnakaken SMA nalika taun 1973.[1] Ngantos satunggal taun dangunipun Marwan nyambut damel ing radhio swasta, Alnora, Medan minangka operator.[1] Nalika taun 1975 Marwan pikantuk beasiswa sekolah kadinasan ing PT Telkom, Bandung kalih taun dangunipun. Sasampunipun lulus saking punika panjenenganipun nyambut damel lan dipuntugasi ing Surabaya nalika taun 1977.[1] Nalika taun 1978 Marwan nyambut damel minangka teknisi ing International Maintenance Center (IMC), Indosat, lan dipuntugasi ing Jakarta kanthi tetep gadhah status minangka karyawan Telkom.[1] Ing Jakarta Marwan nyobi ndhèrèk tes mlebet pawiyatan inggil nagari, nalika samanten namanipun taksih Perintis lan dipuntampi minangka mahasiswa ènggal Jurusan Elektro Fakultas Teknik Universitas Indonésia (FT-UI).[1] Panjenenganipun lulus minangka Insinyur Elektro (S1) nalika taun 1984.[1] Salajengipun Marwan kuliyah S2 ing babagan studi computing ing Universitas Monash, Melbourne, Australia, nalika taun 1990-1992 ngantos pikantuk gelar master of science (M.Sc).[1]
Cathetan suku
besut- ↑ a b c d e f g h i j k l Marwan Batubara Aktivis Sosial Jadi Senator Archived 2011-09-01 at the Wayback Machine. dipunundhuh tanggal 10 Oktober 2011)
- ↑ Marwan Batubara: Saatnya Premium Turun Jadi Rp 5.000 per liter! Archived 2011-03-22 at the Wayback Machine. dipunundhuh tanggal 10 Oktober 2011)
Pranala njawi
besut- Ensiklopedi Tokoh Indonesia Archived 2012-01-04 at the Wayback Machine.
| Artikel iki minangka artikel rintisan. Kowé bisa ngéwangi Wikipédia ngembangaké. |