Maulana Malik Ibrahim
Sunan Gresik utawa Maulana Malik Ibrahim ya iku Walisanga kang ana ing tanah jawi.[1] Maulana Malik Ibrahim iki dianggep wong kang pisanan kang nyebaraké Agama Islam ing tanah jawi.[1] Maulana Malik Ibrahim séda lan dimakamké ana ing désa Gapura, kutha Gresik, Jawa Wétan.[1]
Babad Tanah Jawi versi J.J. Meinsma nyebutaké nama Makhdum Ibrahim as-Samarqandy, kang mèlu pangucapan ilat wong jawa dadi Syekh Ibrahim Asmarakandi.[2] J.J Meinsam nyebutaké yèn to Maulana Malik Ibrahim lair ing Samarkand, Asia Tengah, ing abad 14.[2]
Maulana Malik Ibrahim uga kerep diarani Syekh Magribi, lan uga ana sapérangan warga kang ngarani kaki bantal.[2] Dhèwèké tunggal getih karo Maulana Ishak, ulama kang kondhang ing Samodra Pasai, ya iku bapaké Sunan Giri (Radèn Paku).[2] Ibrahim lan Ishak iku anaké ulama Pèrsi, kang arané Maulana Jumadil Kubro, kang mapan ing Samarkand.[2] Maulana Jumadil Kubro dipercaya turunan kaping 10 saka Syayidina Husein, putuné Muhammad Saw.[2]
Maulana Malik Ibrahim uga naté mapan ing Cempa, saiki Kamboja suwéné 13taun wiwit taun 1379.[2] Dhèwèké uga ngrabi putri ratu lan duwé anak 2.[2] Anaké yaiuk Radèn Rahmat (Sunan Ampel) lan Sayid Ali Murtadha utawa Radèn Santri. Rumangsa cukup dakwah ing Cempa, taun 1392 M Maulana Malik Ibrahim ijrah ing pulo Jawa ninggal kaluargané.[2]
Pagawéané ing tanah jawa kang pisanan ya iku dagang kabutuhan pangan kanti rega kang murah, lan uga dadi tabib lan tanpa bayar.[2] Minangka tabib, dhèwèké uga naté diundang nambani prameswari ing Cempa, ya iku isih seduluré bojoné.[2]
Sunan Gresik utawi Syekh Maulana Malik Ibrahim (w. 1419 M/882 H) punika salah satunggal saking Walisanga, ingkang dipunanggep sepisanan ingkang nyebarakén agami Islam ing tanah Jawa. Sunan Gresik dipunsarèkakén wonten ing désa Gapura, kutha Gresik, Jawa Wétan.
Syekh Maulana Malik Ibrahim punika ahli tata nagara ingkang kawentar. Inskripsi punika ingkang wonten ing kijingipun Sunan Gresik kanthi huruf Arab, tegesipun inggih punika: "punika makam almarhum almaghfur ingkang nyadong rahmating Gusti, kekasih para Pangeran, sendinipun para Sultan saha para Mantri, ingkang nulung para fakir miskin ingkang bagya ugi sahid, cahyaning simbol nagari saha agami. Malik Ibrahim Kawentar kaliyan Kake bantal. Allah paring rahmat saha ridha lan dipunlebetaken wonten ing suwarga. sampun surud ing kasedan jati dinten Senin, 12 Mulud taun 822H"'
Cathetan suku
besut- ↑ a b c Maulana Malik Ibrahim Archived 2011-04-14 at the Wayback Machine.(07 Juni 2011)
- ↑ a b c d e f g h i j k Sunan Gresik Archived 2011-01-13 at the Wayback Machine.(07 Juni 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |