Miller Ali gadhah nama asli Mohammad Suhaemi bin Ali Dad Khan (lair ing Kuala Lumpur, 30 Maret 1987; umur 36 taun).[1] Miller Ali punika salah satunggaling aktor asal Malaysia.[1] Nanging Miller Ali langkung misuwur wonten ing Indonésia.[1] Miller Ali punika mas saking juru main sinétron ingkang namanipun Aliff Ali saha adhik saking juru main sinétron asal Malaysia ingkang namanipun Sabrina Ali.[1] Kajawi punika Miller ugi sepupunipun pengarah filem Syamsul Yusof putranipun Yusof Haslam.[1]

Miller
LairMohammad Suhaemi bin Ali Dad Khan
(1987-03-30) Maret 30, 1987 (umur 36)
Malaysia Kuala Lumpur, Malaysia
Jeneng liyaMiler
Pakaryanaktor, bintang iklan
Taun aktif2003—saiki

Karir besut

Miller punika aktor katurunan China-Arab.[1] Wonten ing Malaysia, Miller namung dados aktor ingkang limrah kemawon ateges boten misusuwr sanget.[1] Nanging Miller banjur manggèn ing Indonésia saha akting wonten ing filem kanthi irah-irahan Sepet nalika taun 2005.[1] Sasampunipun akting wonten ing filem punika, wonten ing taun 2006, Miller lajeng dipuntawani kanggé dados bintang iklan prodhuk mi instan sareng kaliyan Luna Maya.[1] Namanipun lajeng misuwur wonten ing nagara Indonésia sasampunipun wonten ing wekdal ingkang radi sareng dados bintang filem wonten ing kalih filem.[1] Film punika inggih filem kanthi irah-irahan Bukan Bintang Biyasa saha Cintapuccino wonten ing taun 2007.[1] Wonten ing filem ingkang irah-irahanipun Cintapuccino, Miler lajeng pikantuk peran utama jaler ingkang ngampingi Sissy Priscillia.[2] Miller sangsaya misuwur nalika akting kaliyan Kirana Larasati wonten ing sinétron kanthi irah-irahan Azizah.[1] Kajawi punika, Miller ugi akting wonten ing sinétron kanthi irah-irahan Cinta dan Anugerah.[1] Wonten ing sinétron punika, Miller akting kaliyan aktris Nabila Syakieb saha Eva Anindhita.[1]

Cathetan suku besut

  1. a b c d e f g h i j k l m n detiksolo.com Archived 2012-01-28 at the Wayback Machine.(dipunundhuh tanggal 28 September 2011)
  2. kapanlagi.com Archived 2011-08-25 at the Wayback Machine.(dipunundhuh tanggal 28 September 2011)