Mutyara: Béda antara owahan
Kaca énggal: {{inuseuntil|24 Maret 2013}} thumb|Mutiara saking [[Jepang.]] '''Mutiara''' inggih menika satunggaling barang atos ingkang dipun''produksi'' wonten ing jar... |
(Ora ana béda)
|
Révisi kala 22 Maret 2013 03.55
Artikel iki lagi ingowahan gedhèn-gedhèn 24 Maret 2013 suwéné. Saperlu ngéndhani cengkah ing pambesut, panjenengan aja mbesut kaca iki nalika layang iki isih kapajang. Kaca iki pungkasan ingowahan nalika 03:55, 22 Maret 2013 (UTC) (11 taun kapungkur). Panjenengan katuran mbusek cithakan iki yèn kaca iki wis ora kabesut ing dalem sawatara jam. Manawa panjenengan juru pambesut kang ngetrapaké cithakan iki, pesthèkaké panjenengan mbusek cithakan iki utawa nggantèni nganggo {{Lagi kagarap}} antarané mangsa anggoné panjenengan mbesut. |
Mutiara inggih menika satunggaling barang atos ingkang dipunproduksi wonten ing jaringan lunak (mliginipun mantel) saking moluska gesang. Sami kalihan cangkangipun, mutiara wonten kalsium karbonat kanthi wujud kristal ingkang sampun dipunsimpen wonten ing lapisan-lapisan konsentris. Mutiara ingkang saé menika ingkang bunderipun sampurna lan alus, ananging wonten ugi wujud sanèsipun. Mutiara alami kanthi kualitas paling saé dipunregani minangka watu permata lan objek kaéndahan pinten-pinten abad kepengker. Awit saking menika tembung "mutiara" dados metafora kanggé nyebat samubarang ingkang langka, saé, lan awis.
Mutiara menika awis sanget reginipun menawi dipunsadé lan dipundamel dados perhiasan ingkang cocok kalihan babagan fashion. Mutiara menika wonten ing alam liar kanthi gunggung ingkang arang. Mutiara ingkang dipundamel budidaya utawi mutiara ingkang asalipun saking tiram[1] [2] menika ingkang kathahipun dipunsadé ing pasaran. Mutiara segara dipunregani langkung inggil tinimbang mutiara ingkang saking toya ingkang tawar. Ingkang kathah dipunsadé kanthi regi ingkang mirah menika mutiara imitasi ananging kathahipun mawi kualitas ingkang kirang saé. Ing jaman rumiyin mutiara dipunginakaken minangka hiasan wonten ing rasukan (busana) ingkang mewah. Mutiara ugi saged dipundamel kosmetik, jampi, utawi wonten ing formula cat [3].
Mutiara ingkang dipunwastani gadhah kualitas kathahipun manéka werni kados mother of pearl, sami kalihan kulit ingkang damel mutiara. Ananging sapérangan ageng jinis moluska mawi cangkang menika saged ngasilaken mutiara radi kirang kemerlip utawi kirang bunder kados bal. Sanajan mekaten ugi saged ddipunsebat "mutiara" déning laboratorium gemologi lan ugi wonten ing sangandhaping aturan US Federal Trade Commission kedhapuk kanthi cara ingkang sami kathahipun kirang nggadhahi nilai kejawi dados barang antik. Sapérangan ageng moluska ingkang gadhah cangkang menika saged ngasilaken mutiara, kanthi prosès alami nalika satunggaling obyek mikroskopis terperangkap wonten ing sajroning mantel lipetan moluska.
Satunggaling mutiara alami kadhapuk tanpa peranan manungsa, wonten ing alam lan arang kedadosan. Kinten-kinten atusan kerang mutiara kedah dipunkempalaken lan dipunbikak lan ingkang mekaten dipunpateni namung kanggé manggihaken setunggal mutiara lan pinten-pinten abad menika setunggaling cara kanggé pikantuk mutiara.
Tiram mutiara
.jpg)
Tiram mutiara (Familia Pteriidae) inggih menika ingkang ngasilaken mutiara minangka budidaya mutiara. Ingkang dados jinis-jinis tiran mutiara inggih menika :
- Pinctada maxima
- Pinctada margaritifera
- Pinctada fucata
- Pteria penguin
Dene moluska ingkang ngasilaken mutiara wonten ing toya ingkang tawar menika dipunasilaken saking sapérangan jinis remis kadosta:
- Margaritifera margaritifera
- Hyriopsis cumingii
- Cristaria plicata
Cathetan suku
- ↑ (ing basa Indonésia) BUDIDAYA TIRAM MUTIARA, (dipunakses tanggal 22 Maret 2013}}
- ↑ (ing basa Indonésia) Tiram, (dipunakses tanggal 22 Maret 2013}}
- ↑ (ing basa Indonésia) Manfaat Mutiara, (dipunakses tanggal 22 Maret 2013}}