'''Bandhar Udhara Internasional Juwata''' inggih punika [[bandhar udhara]] ingkang dumunung ing [[Kota Tarakan]], provinsi [[Kalimantan Utara]]. Bandhara punika dumunung namung sakitar 3 km saking pusat kutha. Bandhar Udhara Juwata [[Tarakan]], [[Kalimantan Timur]], kanthi dawanipun runway 2500 meter x 45 meter, sakmenikasakpunika sampun dipundarati deningdéning pesawat jenis [[Boeing]] lan [[Airbus]], sarta pesawat – pesawat perintis. Saking Cathetan statistik bandhara, panumpang ingkang minggah mandhap wonten ing Bandhara Juwata, saben dintenipun antawis 3000 panumpang. Wekdal punika Bandhara Juwata saweg dipunadani pambangunan saperlu ndadosaken minangka bandhar udhara provinsi lan pintu gerbang kangge [[Kalimantan Utara]]. Bandhara punika minangka penghubung kangge sedaya bandhara domestik lan perintis ingkang wonten ing [[Kalimantan Utara|Kalimantan Timur bageyan Utara]]. Bandhara Juwata minangka bandhar udhara ingkang angka 1 wonten ing [[Indonesia]] ingkang migunakaken sistem Green Aiport wonten ing [[Apron|apron]] nalika pangisian bahan bakar avtur.
== Sajarah ==
Bandhara Juwata wiwitan kabangun nalika masa penjajahan [[Belanda]] lan dados pangkala militer kangge pesawat-pesawat tempur kagunganipun [[Belanda]]. Nalika tanggal [[11]] [[Januari]] [[1942]] pesawat tempur kagungan [[Jepang]] mendarat ingkang pisanan wonten ing [[Indonesia]] ing Bandhara Juwata kangge ngrebut [[Hindia Belanda]].
Sasampunipun mardika, bandhara punika wiwitanipun minangka bandara perintis ingkang naming migunakaken pesawat alit, lan wiwitan taun [[2000]], Bandhara Juwata dipuntingkataken statusipun dados bandhara domestik kanthi dawa runway 1.850 meter ingkang dipunlayani maskapai [[Bouraq Indonesia]], [[Dirgantara Air Service]], [[Citilink]], [[Kartika Airlines]], [[Mandala Airlines]], [[Merpati Nusantara Airlines]] lan [[Pelita Air Service]]. Nalika taun [[1997]], penerbangan internasional angka pisan dipunlayani deningdéning [[Bouraq Indonesia]] kangge rute Tarakan-Tawau, taun [[2006]] [[Malaysia Airlines]] ugi mbikak rute Tarakan-Tawau, penerbangan saking Tarakan-Tawau dipuntutup taun [[2000]] deningdéning [[Bouraq Indonesia]] lan [[2010]] deningdéning [[Malaysia Airlines]]. Nalika wulan [[Februari]] taun [[2012]] maskapai penerbangan [[Malaysia Airlines]] ingkang dipunoperasikaken [[MASwings]] mbikak malih rute Tarakan-Tawau saben dinten Senin, Rebu lan Kemis. Wiwit [[1]] [[Juli]] [[2012]] [[MASwings]] terbang saben dinten kanthi rute Tarakan-Tawau lan Tarakan-Kota Kinabalu<ref>http://www.maswings.com.my/press/12062101.html</ref>.
