Mojah sikil Natal
Kaos kaki Natal ya iku kaos kaki gedhé utawa kantong kain kang dhapuré kaos kaki kang digantung bocah-bocah yèn malem Natal.[1] Bocah-bocah ngarep-arep Sinterklas bakal teka lan ngisi kaos kaki nganggo dolanan, buah, dhuwit, logam, utawa bebungah-bebungah liyané.[1] Kaos kaki Natal uga dadi salah siji rerenggan Natal lan kerajinan tangan kang populér.[1] Kaos kaki Natal ukurané gedhé lan digawé kanthi warna-warni kang ramé saéngga ora kena dianggo dadi kaos kaki sadina-dinané.[1] Kaos kaki natal uga kerep ditulisi jeneng wong kang dadi kluargané, ancasé supaya Sinterklas ora salah ndéléhaké bebungah.[1] Jaman dhisik, bocah-bocah nyénthélaké stoking utawa kaos kaki gedhé ing ndhuwur perapian supaya gampang didelok sinterklas kang mudhung saka crobong beluk.[1] Ing omah-omah jaman saiki ora nduwé perapian, mulané kaos kaki natal diséléhaké ing endi baé.[1]
Ing carita-carita Natal, Sinterklas nyéléhaké bebungah natal kanggo bocah-boch ing njero kaos kaki Natal.[1] Miturut carita ing kabudayan barat, bocah kang kelakoané élék bakal mung nampa batu bara lan ora éntuk bebungah.[1]
Nalika abad 16, bocah-bocah ing Walanda duwé tradhisi nyéléhaké kelompen kang isiné dami ing ngarep prapian. Dami iki duwé gambaran dadi pakanan rusa kutub utawa keledai kang bisa nggawe kawigatén kréta sinterklas kang digérét karo rusa utawa kidang.[2] Ing cedhaké perapian, bocah-bocah uga nyiapaké kue utawa jajan kang Sinterklas.[2] Kue iki dadi tandha maturnuwun nalika bocah-bocah wis diwénéhi hadia sinterklas.[2] Sabanjuré kelompen diganti karo kaos kaki.[2]
Cathetan suku
besut- ↑ a b c d e f g h i Christmas Stockings centrinet.com/christmas/catclas.htm Christmas Stockings centrinet.com Archived 2008-10-21 at the Wayback Machine.(dipunundhuh tanggal 10 Juni 2011)
- ↑ a b c d The History of the Christmas Stocking by Cassandra Black creativehomemaking.com www.creativehomemaking.com(dipunundhuh tanggal 10 Juni 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |