Montor bèbèk

Montor bèbèk yaiki jinis pit montor cilik kang duwé ragangan akèh-akèhé kagawé saka pipa wesi kang gedhé, mesin dipasang ing antarané pidakan sikil, pindhahan presnèleng ana ing sikil lan tèngki bènsin didèlèh ana ing ngisor sèdhel, lan duwé tedheng plastik ing sangisoré setang. Rodha Montor bèbèk uga duwé ukuran kaya déné lumrahé pit montor. Ciri-ciri iku mau kang mbédakaké montor bèbèk karo skuter.

Ing Asia mligi ing Asia Kidul-wétan, tetumpakan iki misuwur lan paling akèh tinemu ing dalan amarga regané kang murah, gampang panganggoné lan bisa ditumpaki déning wong lanang lan wadon.

Lumrahé montor bèbèk duwé kapasitas mesin 50-150 cc, duwé kopling otomatis utawa kopling tangan lan migunakaké ranté kanggo ngobahaké rodha mburi.

Sajarah

Wujud montor bèbèk asalé saka moped ing taun 1950-an kang mocer ing Éropah. Soichiro Honda lan Takeo Fujisawa kang duwé pabrik pit montor Honda ndeleng moped ing Jerman lan nduwéi panemu manawa kendharaan jinis iku sabanjuré ora bakal payu lan perlu disempuranake. Mula Honda banjur ngetokaké Honda Super Cub kang wiwit diprodhuksi taun 1958 lan sabanjuré dadi pit montor kang paling akèh diprodhuksi, nganti taun 2008 wis diprodhuksi 60 yuta iji.

Prodhusèn

Pasar motor bèbèk didominasi déning pabrikan Jepang, sanadyan akèh sing digawé ing pabrik-pabrik ing panggonan liya, kalebu ing Indonésia , Cina lan Thailand.

Honda Supra lan Yamaha Jupiter iku modhèl sing paling akèh ditiru.

Prodhusèn motor bèbèk antarané: --

Cina: Zongshen, Lifan, LUOJIA
Malaysia: Modenas, Momos Motor (versi lokal saka Cagiva), Naza Bikers versi lokal saka Zongshen.
Germany: MZ Motorrad
India: TVS Motors (versi Motor bèbèk mung ana ing Indonésia)
Indonésia: Kanzen, Binter versi lokal saka Kawasaki
Italy: Cagiva, Piaggio
Japan: Honda, Yamaha, Suzuki, Kawasaki
Philippines MCX Motor (Phils.), Blaze Motortech, Ram Rusi
Taiwan Kymco, SYM Motors
Thailand: Tiger Motor Co. Ltd