Abdul Mukti Ali (lair ing Cepu, Blora, Jawa Tengah, 23 Agustus 1923 – pati ing Yogyakarta, 5 Mèi 2004 ing umur 80 taun) inggih punika tilas Mantri Agami Kabinèt Pembangunan II périodhe 1973-1978.[1] Awit yuswa wolung taun, Mukti sampun sekolah pendidikan Walanda ing HIS.[1] Nalika yuswa 17 taun, panjenenganipun nglajengaken pendidikan ing Pondhok Pesantren Termas, Kediri, Jawa Wétan.[1] Mukti Ali lajeng nglajengaken pendidikanipun ing India sasampunipun wekdal Perang Donya II.[1] Panjenenganipun nglajengaken sekolah Islam ing India lan pikantuk gelar dhoktor ing taun 1952.[1] Sasampunipun punika, panjenenganipun nglajengaken malih studinipun dhateng Universitas McGill, Montreal, Kanada kanthi mendhet gelar MA.[1]

Mukti Ali
Mantri Agami Républik Indonésia 11
Linggih
28 Maret 1973 – 29 Maret 1978
PrésidhènSoeharto
Kang sadurungéMohammad Dahlan
Kang sawiséAlamsyah Ratu Perwiranagara
Rerincèn dhiri
Lair(1923-08-23)23 Agustus 1923
Nèderlan Cepu, Blora, Jawa Tengah, Hindia Nèderlan
PatiMèi 5, 2004(2004-05-05) (umur 80)
Indhonésia Yogyakarta, Indonésia
BangsaIndonésia
AgamaIslam

Wekdal gesangipun, Mukti Ali sampun nyerat buku kados: Beberapa Persoalan Agama Dewasa ini, Ilmu Perbandingan Agama di Indonésia, Muslim Bilali dan Muslim Muhajir di Amérika, Ijtihad dalam Pandangan Muhammad Abduh, Ahmad Dahlan, Muhammad Iqbal, Ta`limul Muta`alim versi Imam Zarkasyi, Memahami Beberapa Aspek Ajaran Islam, Asal-usul Agama, lan Alam Pikiran Islam Modern di India dan Pakistan.[1]

Mukti Ali misuwur minangka tokoh pambaharu Islam ingkang mlopori liberalisme pamikiran Islam ing jaman Indonésia modern.[2] Sasanèsipun minangka panggagas liberalisme Islam ing Indonésia, panjenenganipun ugi misuwur minangka tokoh ingkang moderat lan pluralis.[2] Abdul Mukti Ali tilar donya ing yuwa 81 taun nalika tanggal 5 Mèi 2004 ing Yogyakarta.[1]

Pranala njawi besut

Abdul Mukti Ali Archived 2011-08-31 at the Wayback Machine.

Cathetan suku besut

  1. a b c d e f g h Abdul Mukti Ali[pranala mati permanèn] dipunundhuh tanggal 7 Oktober 2011)
  2. a b Abdul Mukti Ali Archived 2011-08-31 at the Wayback Machine. dipunundhuh tanggal 7 Oktober 2011)