Musiyum Lambung Mangkurat
Musiyum Lambung Mangkurat punika satunggaling papan wisata sajarah awujud musiyum ingkang mapan wonten ing kutha Banjarbaru, cedhak Banjarmasin, Kalimantan Kidul [1]. Kirang langkung 35 kilomèter saking Banjarmasin [2].
| Musiyum Lambung Mangkurat | |
|---|---|
 | |
| Tetélan pokok | |
| Pernah |  Banjarbaru, Indonésia |
| Alamat | Jalan Ahmad Yani km 35,5 Kacamatan Banjarbaru Utara, Banjarbaru |
Ing Musiyum Lambung Mangkurat punika para wisatawan saged mirsani kala rumiyin ing masa sadèrèngipun Kalimantan Selatan dados satunggaling provinsi ing Indonésia. Musiyum Lambung Mangkurat punika paring kawruh babagan pangembangan masarakat Banjar saking jaman purba, inggih punika nalika taksih ngginakaken perkakas saking watu dumugi pangembangan kraton-kraton ingkang naté wonten lan paring prabawa ing Kalimantan Selatan [1].
Koleksi
besutMuseéum Lambung Mangkurat punika resmi kaginakaken ing taun 1979. Wangunan musiyum mau kanthi arsitèktur griya tradhisional Banjar, Tumah Bubungan Tinggi ingkang dipuncampur kaliyan gaya modhèren [1].
Koleksi Musiyum Lambung Mangkurat ing Banjarbaru punika dumugi 12.020 koleksi. Koleksi-koleksi mau dipundalem klasifikasi dados 10 jinis inggih punika: Géologi utawi Géografi, Etnografika, Biologi, Arkéologi, Historika, Numismatika utawi Heraldika, Filologi, Keramologi, Seni Rupa, lan Teknologi [3].
Barang koleksi musiyum punika kados ta tilaran Kesultanan Banjar, Candhi Agung, Candhi Laras, perkakas saking watu, ukiran kayu Ulin, perkakas tetanèn lan perabot rumah tangga, piranti musik tradhisional lan taksih kathah malih [1].
Salah satunggaling mahakarya ingkang wonten punika prahu kas Banjar ingkang kawéntar kanthi nama prahu tambangan. Musiyum Lambung Mangkurat punika kapérang dados kalih lantai. Lantai kapisan punika wonten tigang ruangan paméran déné ingkang satunggal punika ruwang paméran ingkang tinarbuka. Ing ruwang paméran ingkang tinarbuka, para wisatawan saged mirsani tigang piranti transportasi kali masarakat Banjar inggih punika Jukung sudur, Prahu pandan liris, lan Jukung tambangan. Ing salah satunggaling ruwang ingkang katutup punika para wisatawan saged mirsani pirantos ingkang dipun-ginakaken nalika masa prasajarah, kados ta beliung, kapak bahu, pahat kapak lonjong, tuangan kapak perunggu, lan sanèsipun. Lajeng ing ruwang paméran ingkang katutup sanèsipun para wisatawan saged mirsani manéka tilaran Karajan Banjar. Ugi saged mirsani manéka wujud griya tradhisional Banjar kados Bubungan Tinggi, Gajah Manyusu, lan sanèsipun [3].
Wonten ing lantai kalih wonten lukisan foto ètnis lan peta panyebaran bebrayan ingkang wonten ing wewengkon Kalimantan Selatan. Kajawi punika para wisatawan ugi saged mirsani étalase ingkang nedahaken daur gesangipun masarakat Banjar, saking wiyos dumugi sédanipun [1].
Cathetan suku
besut- ↑ a b c d e [1] Archived 2012-06-23 at the Wayback Machine., (id) Museum Lambung Mangkurat (dipunakses tanggal 21 Januari 2013).
- ↑ [2], (en) Lambung Mangkurat Museum Banjarbaru South Kalimantan (dipunakses tanggal 21 Januari 2013).
- ↑ a b [3], (id) Museum Lambung Mangkurat (dipunakses tanggal 21 Januari 2013).