Mutyara

Mutyara inggih punika satunggaling barang atos ingkang dipunproduksi wonten ing jaringan lunak (mliginipun mantel) saking moluska gesang. Sami kaliyan thothokipun, mutyara wonten kalsium karbonat kanthi wujud kristal ingkang sampun dipunsimpen wonten ing lapisan-lapisan konsentris. Mutyara ingkang saé punika ingkang bunderipun sampurna lan alus, nanging wonten ugi wujud sanèsipun. Mutyara alami kanthi kualitas ingkang saé piyambak dipunregani minangka watu permata lan objek kaéndahan pinten-pinten abad kepengker. Awit saking punika tembung "mutyara" dados metafora kanggé nyebat samubarang ingkang langka, saé, lan awis.

Mutyara punika awis sanget reginipun manawi dipunsadé lan dipundamel dados perhiasan ingkang cocog kaliyan babagan fashion. Mutyara punika wonten ing alam alasan kanthi gunggung ingkang arang. Mutyara ingkang dipundamel budidaya utawi mutyara ingkang asalipun saking tiram^[1]^[2] punika ingkang kathahipun dipunsadé ing pasaran. Mutyara sagara dipunregani langkung inggil tinimbang mutyara ingkang saking toya ingkang tawar. Ingkang kathah dipunsadé kanthi regi ingkang mirah punika mutyara imitasi nanging kathahipun mawi kualitas ingkang kirang saé. Ing jaman rumiyin mutyara dipun-ginakaken minangka rerenggan wonten ing rasukan (busana) ingkang mewah. Mutyara ugi saged dipundamel kosmetik, jampi, utawi wonten ing formula cat ^[3].

Mutyara ingkang dipunwastani gadhah kualitas kathahipun manéka warni kados mother of pearl, sami kaliyan kulit ingkang damel mutyara. Nanging sapérangan ageng jinis moluska mawi thothok punika saged ngasilaken mutyara radi kirang kemerlip utawi kirang bunder kados bal. Sanajan makaten ugi saged ddipunsebat "mutyara" déning laboratorium gemologi lan ugi wonten ing sangandhaping aturan US Federal Trade Commission kedhapuk kanthi cara ingkang sami kathahipun kirang gadhah aji kejawi dados barang antik. Sapérangan ageng moluska ingkang gadhah thothok punika saged ngasilaken mutyara, kanthi prosès alami nalika satunggaling obyek mikroskopis terperangkap wonten ing sajeroning mantel lipetan moluska.

Satunggaling mutyara alami kadhapuk tanpa peranan manungsa, wonten ing alam lan arang kadadosan. Kinten-kinten atusan kerang mutyara kedah dipunkempalaken lan dipunbikak lan ingkang makaten dipunpateni namung kanggé manggihaken satunggal mutyara lan pinten-pinten abad punika satunggaling cara kanggé pikantuk mutyara.

Tiram mutyara

Peternakan mutyara ing Seram

Tiram mutyara (Familia Pteriidae) inggih punika ingkang ngasilaken mutyara minangka budidaya mutyara. Ingkang dados jinis-jinis tiran mutyara inggih punika:

Pinctada maxima
Pinctada margaritifera
Pinctada fucata
Pteria penguin

Déné moluska ingkang ngasilaken mutyara wonten ing toya ingkang tawar punika dipunasilaken saking sapérangan jinis remis kados ta:

Margaritifera margaritifera
Hyriopsis cumingii
Cristaria plicata

Cathetan suku

↑ BUDIDAYA TIRAM MUTYARA Archived 2012-10-03 at the Wayback Machine., (dipunakses tanggal 22 Maret 2013}}
↑ Tiram^{[pranala mati permanèn]}, (dipunakses tanggal 22 Maret 2013}}
↑ Manfaat Mutyara^{[pranala mati permanèn]}, (dipunakses tanggal 22 Maret 2013}}

[mutyara-1] BUDIDAYA TIRAM MUTYARA Archived 2012-10-03 at the Wayback Machine., (dipunakses tanggal 22 Maret 2013}}

[mutyara3-2] Tiram^{[pranala mati permanèn]}, (dipunakses tanggal 22 Maret 2013}}

[mutyara1-3] Manfaat Mutyara^{[pranala mati permanèn]}, (dipunakses tanggal 22 Maret 2013}}

[1]

[2]

[3]