Nèbula (Latin: "pedhut", "limun"; pl. nebulae utawa nebulæ, kanthi ligatur) yaiku mega antarlintang kang kapérang saka lebu, gas, lan plasma. Awalé nébula yaiku jeneng umum kang diwènèhaké kanggo kabèh obyèk astronomi kang sumebar, kalebu galeksi (galêksi) ing sanjabané Bimasekti (sapérangan conto saka naraguna biyèn isih ana; minangka conto, Galeksi Andromédha sok-sok ngrujuk ing Nèbula Andromédha).

Nebula emisi Triangulum NGC 604 ana ing sajeroning lengen spiral Galaksi M33, 2.7 yuta taun cahya saka Bumi. Nebula iki yaiku laladan papan kawanguné lintang-lintang.

Astrofisika saka nébula besut

Laladan H II iku papan lairé lintang-lintang. Kawangun nalika mega molekul kang wiyar banget runtuh sangisoré gaya gravitasiné dhéwé, asring uga dijalari déning prabawa jeblugan supernova kang ana ing saceraké. Mega runtuh lan kafragmentasi, mbentuk nganti atusan lintang anyar. Lintang kang lagi waé kadhapur ngionisasi gas kang ana ing sekitaré nyiptakaké nébula emisi.

Nebula kang liyané kawangun déning patining lintang. Sawijining lintang kang lagi ngalami transisi nuju tahap katai putih ngembusaké pérangan paling njabané kanggo mbentuk planetary nébula. Nova lan supernova bisa uga nyiptakaké nébula kang ditepungi minangka nova remnant lan supernova remnant.

Gladri besut

Pranala njaba besut