Naby Keita
Naby Keita utawa Naby Layé Keita yaiku salah sawijining pamain bal-balan saka negara Guinea kang main kanggo klub Liverpool FC. Dhèwèké lair ing Conakry, Guinea surya ping 10 Fébruari 1995 (umur 25 taun), duwé dedeg 172 cm. Keita main ing posisi glandhang tengah utawa istilahé ing bal-balan diarani glandhang box to box.[2]
_11.jpg) Naby Keïta ing Tetandhingan Kekancan | |||
| Katerangan priangga | |||
|---|---|---|---|
| Jeneng dawa | Naby Laye Keïta[1] | ||
| Tanggal lair | 10 Fèbruari 1995 | ||
| Papan lair | Conakry, Guinea | ||
| Dhuwur | 1.72 m (5 ft 8 in) | ||
| Posisi main | Glandhang | ||
| Katerangan klub | |||
Tim saiki | Liverpool | ||
| Angka | 8 | ||
| Karir nom | |||
| 2004–2012 | Horoya | ||
| Karir sénior* | |||
| Taun | Tim | Main | (Gul) |
| 2013–2014 | FC Istres | 23 | (4) |
| 2014–2016 | Red Bull Salzburg | 59 | (17) |
| 2016–2018 | RB Leipzig | 58 | (14) |
| 2018–saiki | Liverpool | 34 | (3) |
| Tim nasional‡ | |||
| 2013–saiki | Guinea | 35 | (6) |
|
* Gunggung main lan gul ing klub sénior tumrap liga dhomèstik iki mligi lan patitis per pukul 20:47, 2 Juni 2020 (UTC). | |||
Tilas pamain Liverpool Dietmar Hamann pitaya Naby Keita bisa jupuk inspirasi saka kariré Jordan Henderson sajroning ancasé sukses ing Anfield, wis mèh telung taun kawit pindhahé Keita saka RB Leipzig kanthi rega 52 yuta Poundsterling, nanging pandhemen Liverpool nganggep yèn Keita durung bisa nuduhaké panampilan sing apik kaya nalika ing Bundesliga. Jalaran cidra kang asring ditandang dadèkaké Keita kangèlan kanggo lumebu tim utama Liverpool, kapétung dhèwèké mung main ping 34 tetandhingan saka cacah 67 tetandhingan kawit Keita pindhah. Hamann awèh rembug supaya Keita luwih asring dimainaké supaya dhèwèké bisa mantep ngisi formasi glandhang tengah Liverpool besutan Jürgen Klopp, lan tilas glandhang kasebut menggalih Keita bisa jupuk ati saka Jordan Henderson kang naté mataun-taun ngupiya lumebu ing tim règulèr Liverpool. Hamann nambahaké manawa Keita duwé cidra kang aèng kang bisa nggawa dhèwèké bali. Keita duwé bakat kang aéng lan udu pamain kang gampang kanggo dimainaké amarga ora umum. Keita glendhang kang seneng dribel bal saka tengah ngliwati pamain-pamain mungsuh tumeka kothak pinalti, malah ing mangsa pungkasan bareng RB Leipzig dhèwèké nyithak gol akèh.[3]
Durung Ngebaki Pangarep-arep besut
Tilas bèg Liverpool, Steve Nicol gemang nyingkiraké Naby Keita jalaran durung bisa nuduhaké panampilan kang becik. Keita mungkin durung bisa ngebaki pangarep-arep klub nanging miturut Nicol bab kasebut isih kedhisikan kanggo ngecap pamain saka Guinea kasebut gagal. Sadurungé sarujuk nuju Liverpool transfer Keita kudu ngliwati kedadean kang dawa yaiku enyang-enyangan rega kang pantes kanggo pamain tengah iku. Dhèwèké kuduné dadi pamain inti kang dadi piyandelé Jürgen Klopp kanggo nguripaké garis tengah Liverpool, nanging perkara cidra lan kewarasan Keita wis nyegah pengarep-arep kasebut angèl dumadi. Para pandhemen Liverpool kudu sabar ngadhepi kahanan Keita ngélingi regané kang ora murah. Keita nembé tampil ing 18 tetandhingan kanggo Liverpool ing mangsa 2019-20 lan isih nganti-anti dibacutakéné mangsa iki jalaran kadayan pageblug Covid-19. Nicol ngajab mangsa iki bisa dirampungaké amarga Liverpool ana ing rangking sepisan liga kanthi kacèk 25 poin saka rangking kaloro.[4]
RB Leipzig besut
Bal-balan dadi salah sawijining dalan kanggo ngowahi urip sawijining pawongan kang asalé saka dalan-dalan kutha Conakry, Guinea dadi salah sawijining dhuta Bundesliga. Atas lelabuhan juru latih Ralph Hassenhüttl ing mangsa 2016-17 awèh pangalembana saka donya lan gawé klub kasebut lumebu ing jajaran èlit bal-balan Éropa. Ukuran ungguling Keita yaiku saka dhèwèké kasil lumebu pamain dhebutan Bundesliga paling becik mangsa kepungkur, tekadé kang lumayu nggiring bal ngliwati pamain mungsuh kanthi obahing sikil kang rikat gawé sengsemé pandhemen RB Leipzig. Keita uga asring mènèhi operan kang bingungaké mungsuh kaya nalika dhèwèké nyumbang wolung asis ing mangsa 2016-17, lan nyithak gol kanthi tendhangan saka adoh kapétung uga ngegolke wolung gol ing 29 tetandhingan Bundesliga.[5]
Liverpool besut
Liverpool sarujuk kanggo nuku Naby Keita saka RB Leipzig ing 29 Agustus 2017, nanging glandhang luwes kasebut nembé resmi dadi pamain Liverpool kapétung 1 Juli 2018 amarga iku dhèwèké seneng nonton Liverpool saka Jérman sadurungé teka menyang Merseyside. Pamain saka Guinea kasebut manganggo kaos kanthi nomer geger 8 tinggalané Steven Gerrard kanthi langsung diwènèhaké Gerrard nalika Keita teka ing komplèk gladhi Melwood, Liverpool. Keita sajrong mangsa pamanasan gawé bungahing pandhemen Liverpool lan diganjar dadi pamain inti ing tetandhingan sepisan mangsa 2018-19 lumawan West Ham, Liverpool menang 4-0 lan Keita dadi pamain paling becik. Pamain kalairan Conakry kanthi ajeg nampilaké panampilan kang becik sajroning 33 panampilané sadawané mangsa 2018-19. Jenengé Keita lumebu ing papan sekor ping telu, golé lumawan Huddersfield Town sawisé 15 dhetik tanggal 26 April 2019 dadi gol paling cepet Liverpool ing Liga Primèr Inggris. Taun sepisané ing Liverpool pungkas wulan Mèi sawisé nandhang cidra ing Barcélona, nanging teka ana Madrid kanggo jupuk medhali juwara Liga Champions.[6]
Pangaji-aji besut
Naby Keita duwé karir kang cepet ing jagad bal-balan, amung ing limang taun dadi pamain bal aguna dhèwèké wis bisa suksès kanthi menangi sakèhing gelar utawa piala.[7]
Klub besut
- Juara Ostenrik Bundesliga mangsa 2014-15 lan 2015-16 bareng Red Bull Leipzig.
- Juara Piala Ostenrik mangsa 2014-15 lan 2015-16 bareng Red Bull Leipzig.
- Juara Liga Champions Éropa mangsa 2018-19 bareng Liverpool FC.
- Juara Piala Super Éropa taun 2019 bareng Liverpool FC.
- Juara Piala Donya Klub FIFA 2019 bareng Liverpool FC.
- Juara LIga Primèr Inggris 2020 bareng Liverpool FC.
Priyangga besut
- Pamain paling becik Guinea taun 2015.
- Pamain paling becik Ostenrik Bundesliga mangsa 2015-16.
Karir ing Angka besut
| Klub | Mangsa | Liga | Piala Nasional | Piala Liga | Eropa | Liyané | Gunggung | |||||||
|---|---|---|---|---|---|---|---|---|---|---|---|---|---|---|
| Divisi | Panampilan | Gol | Panampilan | Gol | Panampilan | Gol | Panampilan | Gol | Panampilan | Gol | Panampilan | Gol | ||
| FC Istres | 2013–14 | Ligue 2 | 23 | 4 | 0 | 0 | — | — | — | 23 | 4 | |||
| Red Bull Salzburg | 2014–15 | A. Bundesliga | 30 | 5 | 4 | 0 | — | 10 | 1 | — | 44 | 6 | ||
| 2015–16 | A. Bundesliga | 29 | 12 | 5 | 2 | — | 3 | 0 | — | 37 | 14 | |||
| Gunggung | 59 | 17 | 9 | 2 | — | 13 | 1 | 0 | 0 | 81 | 20 | |||
| RB Leipzig | 2016–17 | Bundesliga | 31 | 8 | 1 | 0 | — | — | — | 32 | 8 | |||
| 2017–18 | Bundesliga | 27 | 6 | 2 | 1 | — | 10 | 2 | — | 39 | 9 | |||
| Gunggung | 58 | 14 | 3 | 1 | — | 10 | 2 | 0 | 0 | 71 | 17 | |||
| Liverpool | 2018–19 | Liga Primèr Inggris | 25 | 2 | 1 | 0 | 1 | 0 | 6 | 1 | 0 | 0 | 33 | 3 |
| 2019–20 | Liga Primèr Inggris | 9 | 1 | 0 | 0 | 2 | 0 | 4 | 1 | 3 | 1 | 18 | 3 | |
| Gunggung | 34 | 3 | 1 | 0 | 3 | 0 | 10 | 2 | 3 | 1 | 51 | 6 | ||
| Gunggung Karir | 174 | 38 | 13 | 3 | 3 | 0 | 33 | 5 | 3 | 1 | 226 | 47 | ||
Rujukan besut
- ↑ "Naby Keita: 10 things on RB Leipzig's Liverpool-bound Guinea midfielder". Bundesliga. Dibukak ing 2 Juni 2020.
- ↑ Transfermarkt, Admin (2020-04-08). "Profil Pamain Naby Keita (Saka Basa Inggris)". Transfermarkt. Dibukak ing 2020-06-02.
- ↑ Gorst, Paul (2020-04-10). "Pawarta Amangraga Bal-balan Naby Keita Bisa Kaya Jordan Henderson (Saka Basa Inggris)". Liverpool Echo. Dibukak ing 2020-06-02.
- ↑ Burton, Chris (2020-05-02). "Keita Durung Ngebaki Pangarep-arep Nanging Dhèwèké Durung Gagal (Saka Basa Inggris)". Goal.com. Dibukak ing 2020-06-02.
- ↑ Bundesliga, Admin (2017-05-29). "Bundesliga Naby Keita RB Leipzig Pamain Tembe Ngarep Liverpool Pamain Paling Becik Afrika (Saka Basa Inggris)". Bundesliga. Dibukak ing 2020-06-02.
- ↑ Liverpool FC, Admin. "Pamain Tim Utama Liverpool Naby Keita (Saka Basa Inggris)". Liverpool FC. Dibukak ing 2020-06-02.
- ↑ Transfermarkt, Admin (2020-04-08). "Naby Keita Gelar-gelar lan Pangaji-aji (Saka Basa Inggris)". Transfermarkt. Dibukak ing 2020-06-02.