Nattō

Nattō (納豆, Nattō^?) ya iku panganan tradhisional Jepang kang digawé saka wiji kedhelé kang difermentasi. Nattō padatan kanggo sarapan. Nattō kalebu panganan kan ngandhut protéin akèh nanging uga duwé ambu kang kuwat. Ing Jepang, nattō paling kawentar iku ing tlatah Kanto wétan.

Natto lan okra Sushi

Nattō padatan dipangan karo sega anget lan dicampur kecap asin. Ing Hokkaido lan Tohoku lor, nattō disuguhake karo gula. Nattō uga dipigunakake kanggo panganan liya kaya ta nattō sushi, nattō toast, ing sup miso, salad, okonomiyaki, disuguhake bebarengan karo spaghetti, utawa digoreng. Nattō kang digaringaké bisa dipangan minangka jajanan utawa gadhon. Saliyané iku uga ana ès krim nattō.