Nidji

Nidji kaliyan Ashesya Galuh Putri ing satunggalipun adicara Ponds

Nidji
Saka	Jakarta, Indonésia
Génre	Pop
Mangsa akarya	2002-sapunika
Labèl	Musica Studios
Sing magepokan	NIDJIholic.com NIDJIzone
Anggota	Ubay Andro Run-D Rama Ariel Adri

Nidji utawi The Nidji inggih punika grup musik saking Jakarta ingkang personilipun wonten 6 (nem) tiyang ing antawisipun: Giring Ganesha (vokalis), Rama lan Ariel (gitaris), Adrie (drum), Andro (bassis), lan Run-D (kibor). Nidji punika saking tembung Niji ingkang dipunpendhet saking basa Jepang ingkang tegesipun kluwung. Para personil sampun remen lan sarujuk kaliyan konsèp nama punika, amargi tembung Nidji saged ngrefleksikaken warni musik ingkang manéka warni sarta bènten-bènten, nanging saged nyawiji ing satunggal warni musik. Konsep musik Nidji inggih punika modern rock ingkang dipunparingi unsur-unsur sanèsipun, kados progresif, funk, alternatif, lan pop. Grup-grup band ingkang boten langsung mengaruhi lan dados inspirasi kaliyan gaya musik Nidji inggih punika L'Arc~en~Ciel, Coldplay, Goo Goo Dolls, U2, Radiohead, Smashing Pumpkins, The Verve, Dave Matthews, The Killers, Keane, lan sanèsipun.

Sajarah

Sajarah wiwitanipun band Nidji inggih punika saking kekancan antawisipun Rama lan Andro. Kekancanan ingkang sampun raket punika saged ngrembaka teras ing jagad musik. Salajengipun kaliyan Ariel ingkang sampun nggabung kaliyan Rama lan Andro karipta satunggal lagu kanthi irah-irahan Maria. Nanging lagu punika taksih dèrèng sampurna lan betahaken vokalis. Salajengipun Rama, Andro, lan Ariel kepanggih kaliyan Giring ingkang salajengipun saged njangkepi lagu Maria minangka vokalisipun. Salajengipun Andri mlebet minangka penabuh drum lan Randy mlebet minangka keyboardist.

Personil band

• Muhammad Yusuf Nur Ubay (Ubay)
• Muhammad Ramadista Akbar (Rama)
• Andi Ariel Harsya (Ariel)
• Muhammad Andro Regantoro (Andro)
• Muhammad Adri Prakarsa (Adri)
• Randy Danistha (Run-D)

Album

• Breakthru (2005)
• Top Up (2007)
• Let’s Play (2009)
• Liberty Victory (2012)
• Love, Fake & Friendship (2017)

Pranala njawi

• NIDJI on Facebook