Noorca M. Massardi

Noorca M. Massardi ingkang miyos wonten ing Subang, Jawa Kulon tanggal 28 Pebruari [[1954}}) inggih punika putra nomer 5 saking kalih welas sedhèrèkipun lan ugi misuwur ugi dados juru gurit, pengarang, penyunting, juru nulis lakon sandiwara, lakon priya, sutradara, juru nulis skenario, juri festival filem utawi sinétron, penerima Anugrah Kebudayaan, juri lomba iklan, pewarta, saha pamaos warta télévisi, kolumnis, lan budayawan.

Noorca M. Massardi

Riwayat Pagesanganipun

Noorca M. Massardi inggih sastrawan ingakng gadhah agama, agama Islam. Piyambakipun sampun naté sinau kursus Basa Prancis ing Paris (1976 – 1978), Sekolah Tinggi Jurnalistik École Supérieure de Journalisme) Paris, Prancis (1979 – 1981) saha kursus Managemen Minat Indonésia ing LPPM (1995). Saderengipun aktip ing babagan filem, Noorca Massardi sampun langkung rumiyin aktip ing teater. Piyambakipun ugi sampun naté menang sayembara penulisan lakon Dewan Kesenian Jakarta (1975 – 1978) medal karyanipun ” Perjalanan Kehilangan” dan “Terbit Bulan Tenggelam Bulan”. Piyambakipun ugi dados Redaktur Eksekutif ing kalawarta FORUM wiwit taun 1992. Film ingkang cariyosipun sampun naté dipunserat inggih punika “Sekuntum Duri” (1980). Noorca M. Massardi ugi dados Ketua Babagan Humas & Hubungan Luar Negeri KFT saking taun 1995 – 1999. Ing taun 1976 ngantos taun 1981, piyambakipun dumunung ing Paris, sinambi dados koresponden kalawarta Tempo. Ing taun 1982 – 1984, Noorca Massardi dados wartawan Kompas lan ing taun 1985 – 1989 dados redaktur kalawarta “Jakarta-Jakarta”. Sapunika piyambakipun dados redaktur kalawarta Forum Keadilan.

Asiling Karya

Wonten kathah jinising karya ingkang sampun dipunserat déning Noorca M. Massardi. Tuladha lakon-lakon sandhiwaranipun ingkang dipunserat lan menag Sayembara Penulisan Lakon ingkang dipunadani déning Dewan Kesenian Jakarta (DKJ), ing antawisipun inggih punika:

• Perjalanan Kehilangan (1974), lan Terbit Bulan Tenggelam Bulan (1976)
• Sayembara Penulisan Lakon Anak-anak Direktorat Kesenian Depdikbud: Tinton (1976), lan Mencari Taman (1978)
• Sayembara Penulisan Lakon Pamaréntah Laladan Jawa Barat Kuda-Kuda (1975).

Lakon – lakon sanèsipun inggih punika wonten Growong (1982), Mereka Berdua (1982), Kertanagara (1973), lan Bhagawad Gita (1972). Déné novelipun ingkang sampun kapacak dados cariyos sambung ing Harian Kompas ingkang sampun dipunwedalaken déning PT Gramedia ing antawisipun inggih punika “Sekunum Duri (1978) lan “Mereka Berdua” (1981), lan skenarionipun Sekuntum Duri sampun dipundamel dados filem déning PT Cipta Permai Indah Film (1979). Novelipun ingkang kaping tiga ingkang medal ing sasi September, kanthi dhasaring cariyos inggih punika tragedi September 1965 dipunwedalaken déning PT Tiga Serangkai, Sala (2006), lan sak dѐrѐngipun sampun naté kapacak wonten ing cariyos sambung ing harian Media Indonésia, Jakarta, (2 Juni-30 September 2002) kanthi irah-irahan, “ Perjalanan Darius. Novelipun ingkang kaping sekawan, kanthi irah-irahan ”, “d.I.a” taksih kaserat dados cariyos sambung ing koran Seputar Indonésia wiwit tanggal 10 Januari 2007 ngantos sapunika..

Pangaji-aji

Dramanipun, “Perjalanan Kehilangan” pikantuk bebungah sayembara Penulisan Lakon DKJ ing taun 1974, lajeng dramanipun ingkang gadhah irah-irahan “Kuda-jaran” pikantuk bebungah Sayembara Naskah Drama Jawa Kulon ing taun 1975; lan dramanipun ingkang gadhah irah-irahan “Tin Ton” pikantuk bebungah tahunan saking Society for American Indonésian Friendship Inc. Taun 1975.