Obi (sabuk)

Obi (帯, Obi^?) inggih punika sabuk pinggang saking kain ingkang dipun-ginakaken nalika ngagem kimono utawi keikogi ^[1]. Obi kanggé kimono padatanipun dipundamel saking kain sutra. Kimono kakung dipun-ginakaken sareng kaliyan obi saking kain kaku ingkang sempit, utawi saged ugi kain lentur ingkang dawa. Kimono wanita dipun-ginakaken sareng kaliyan obi mawi rerenggan corak tenun utawi bordir. Obi dipunubetaken kados déné ngagem setagen.

Jinis Obi

Obi wanita

Miturut ukuran wiyaripun kain, kanthi umum wonten tigang jinis obi. Saben obi punika namung coock dipunagem sareng kaliyan jinis kimono tartamtu ^[2].

Fukuro obi (lebar 31 cm lan dawa 4,2 m) punika kanggé kimono formal (tomesode, furisode, iromuji, tsukesage), saking kain mawi corak ingkang mewah asil saking tenunan.
Nagoya obi (lebar 16 cm lan 31 cm, dawa 3,65 m) punika kanggé komon lan tsumugi, saking kain mawi corak ing kalih papan (wingking lan ngajeng) asil celupan ugi asil tenunan.
Hanhaba obi (lebar 15,2 cm lan dawa 3,65 m) jinis punika kanggé yukata lan tsumugi, saking kain warni mawi corak sedawaning kain asil tenunan utai tanpa corak.

Obi kakung

Kaku obi (lebar 10 cm lan dawa 4 m) ingkang jinis punika kanggé kimono ingkang formal.
Heko obi saking kain lentur lan tipis kanggé kimono busana santé wonten ing griya. Dipuntalèni ing wingking kados talènan kupu-kupu. Ugi nalika laré wadon lan lanang ngginakaken yukata.

Model iketan

Iketan taiko

Wonten kathah sanget model iketan obi, nanging namung jinis obi tartamtu ingkang jumbuh kaliyan model iketan tartamtu. Kados ingkang dipunandharaken wonten ing ngandhap punika:

Obi wanita

Fukuro obi

Nijūdaiko (versi iketan taiko ingkang kapérang dados kalih lapis), jinis iketan punika kanggé sadaya umur.
Fukura suzume punika kanggé furisode
Bunko kanggé tiyang èstri ingkang taksih enèm

Nagoya obi

Taiko punika kanggé sadaya kemawon

Hanhaba obi

Bunko kanggé yukata
Kai no kuchi (mulut kerang) punika kanggé kimono ingkang santé (yukata)

Obi kakung

Kai no kuchi
Shokunin
Katabasami

Jangkepan

Obi punika dipunagem sareng kaliyan obiage lan obijime.

Obi-age, inggih punika kain mawi warni ingkang dipunubetaken wonten ing sangandhaping obi supados obi mau boten mlorot.
Obi-jime, inggih punika tali alit ingkang dipuntalekaken wonten ing sanginggilipun obi supados papanipun obi mau boten éwah. Kajawi punika saged ugi mbiyantu iketan obi.

Cathetan suku

↑ Ikat pinggang obi, (dipunakses tanggal 24 Fèbruari 2013)
↑ Obi Sebagai Pelengkap Archived 2014-10-03 at the Wayback Machine., (dipunakses tanggal 24 Fèbruari 2013)

着付けと帯結び (Kitsuke to obi musubi). Tokyo: Sekai Bunkasha. 1996. kc. 14–17. ISBN 4-418-9613-3. {{cite book}}: Check |isbn= value: length (pitulung)

[obi1-1] Ikat pinggang obi, (dipunakses tanggal 24 Fèbruari 2013)

[obi2-2] Obi Sebagai Pelengkap Archived 2014-10-03 at the Wayback Machine., (dipunakses tanggal 24 Fèbruari 2013)

[1]

[2]