Panthéon, Roma
Pantheon ya iku sawijining yasan kang dikonstruksekake ing taun 27 SM minangka kuil kang duwé wujud bunder kan ana ing pusat kutha Roma.[1][2] Pembangunan kuil iki rampung ing mangsa pamaréntahan Kaisar Hadrian (118 SM-28 M) ing taun 126 M.[1] Hadrian yasa kuil iki kanggo sesembahan marang déwa-déwa Romawi.[2] Jeneng Pantheon asalé saka basa Yunani kang ateges Omahe Kabèh Déwa.[1] Kuil iki digunakaké minangka gréja saka taun 609 nganti 1885 banjur dadi gréja lan kanggo kuburane pahlawan nasional Italia.[1] Tokoh-tokoh misuwur kan dikubur ing kono ya iku Raja Emmanuel I lan pelukis Renaissance, Raphael.[1]
Sajarah
besutStruktur yasan Pantheon iki wis digunakaké suwéné punjul 1800 taun.[3] Wiwitane, panggonan iki digunakae kanggo muja 7 déwa Romawi saka 7 planit kanthi gaya Greco-Romawi.[4][5] Jnenge asalé saka basa Yunani "Pantheion" kang ateges Omahe Kabèh Déwa.[5] Pembangunane diprakarsai déning Marcus Vipsanius Agrippa, ssawijining jenderal Romawi mantune Kaisar Agustus saka taun 27 – 25 SM kanggo mengeti menange wadyabala Octavian nalika Pertempuran Actium tanggal 2 September 31 SM karo wadyabala Mark Anthony lan Cleopatra.[4] Ora dingerteni sapa arsitek kuil iki, nanging kira-kira Apollodorus saka Damaskus.[5] Nanging ing taun 80 ngalami kobongan lan kang isih sisa mung yasan cagak portico (èmpèr ngarep).[4] Hadrianus ndandani Pantheon ya iku ing taun 118-125 lan nambahi yasan kang wujudé bunderan (rotunda) kanthi rancangan Septimius Severus lan Caracalla.[5]
Cathetan suku
besut- ↑ a b c d e World Book Encyclopedia - P. World Book, Inc. 2006. ISBN 0-7166-0106-0.
- ↑ a b Steven, Mark A (2000). Merriam Webster's-Collegiate Encyclopedia. Merriam Webster, Inc , Springfield, Massachusetts. ISBN 0-87779-071-5.
{{cite book}}: Check|isbn=value: checksum (pitulung) - ↑ Roman Architecture - The Pantheon, oldandsold. Diundhuh tanggal 10 Mèi 2010.
- ↑ a b c Roman Pantheon Architecture, buzzle. Diundhuh tanggal 10 Mèi 2010.
- ↑ a b c d [1] Archived 2011-07-21 at the Wayback Machine. italian-architecture Diundhuh tanggal 10 Mèi 2010