Kitab Para Hakim

(Kaelih saka Para Hakim)

Kitab Para Hakim, sing asalé saka Alkitab, Prajanjian Lawas, ing basa Yunani sajeroning septuaginta diarani: “ì tôn kritôn bíblos" utawa "tôn kritôn". Banjur ing basa Latin diarani "liber Judicum" utawa "Judicum".

Kitab iki isiné kandha-kandha saka jaman pra-sajarah Israèl sadurungé bangsa iku awujud karaton tunggal. Yaiku diarani jaman pangrebutaning Kanaan lan ngadhegé karaton Israèl. Kandha-kandha iku bab prakara barang-barang sing dilakoni para pahlawan satriya bangsa. Kabèh padha diarani hakim, nanging sajatiné – kabèh iku dudu hakim kaya pangertèn jaman saiki nanging para sénapati perang. Salah sijining para pahlawan iki sing misuwur, jenengé Simson. Kandha caritané ana ing pasal 13–16.