Pasar Beringharja
Pasar Beringharja (Jawa: ꦥꦱꦂꦧꦲꦼꦫꦶꦁꦲꦂꦗ) iku pasar tradhisional kang ana ing Daerah Istimewa Yogyakarta.[1] Saiki para wisatawan bisa nemu pasar tradhisional iki ing laladan Malioboro.[2][3] Pasar iki diyasa nalika pamarentahanipun Sri Sultan Hamengkubuwana I lan dumunung ing sisih lor Kraton Ngayogyakarta.[1] Para ratu saliyané yasa kraton kang apik, uga ora lali yasa pasar awit pasar iku dadi jantunge ékonomi, manawa pasare reja nagarané mesthi makmur [4] Ora suwé sawisé Kraton Ngayogyakarta Hadiningrat ngadeg, ya iku taun 1758, pasar iki didadèkaké panggonan dol tinuku warga Ngayogyakarta lan sakupenge.[2]
SajarahBesut
Jeneng Pasar Beringharja dijupuk saka jeneng Alas Beringan kang minangka mula bukane kutha Ngayogyakarta.[1] Nanging ana panemu liya bilih jeneng "Beringharjo" iku saka Sri Sultan Hamengkubuwana IX kang duwé makna wewengkon kang wiwitane wit ringin (bering) ing pangajab bisaa ndadèkaké karaharjan tumrap warga Ngayogyakarta (harjo).[2] Pasar Beringharjo minangka salah salah sijiné komponèn ing pola tata kutha kaprajan kang diarani Catur Tunggal ya iku Kraton, Alun-alun, Pasar, lan Mesjid.[5]
Papan PanggonanBesut
Pasar Beringharja dumunung ing Jl. Pabringan No. 1 Daerah Istimewa Yogyakarta, Indonésia 55122.[3] Panggonane ana ing Kawasan Malioboro paling kidul lan sesandhingan karo Benteng Vredeburg, Taman Budaya Yogyakarta, dan Shopping Center.[3] Ing sisih kulon yasan iki ana terdapat Gedung Agung.[3] Lan ing sisih kidul lan sisih wétan kidul pasar ana Taman Pintar dan Karaton Yogyakarta.[3] Sisih lor winatesan karo Jl. Lor Pasar lan Kampung Ketadan. Sisih wétan winatesan karo Jl. Sriwedani. Sisih kidul winatesan karo Jl. Pabringan lan Benteng Vredeburg. Sisih kulon winatesan karo Residentielaan (dipisahaké karo Jl. Malioboro-Jendral Ahmad Yani).[1]
Wujudipun WangunanBesut
Wangunan Pasar Beringharja ngadeg ing tanah kang ambané kurang luwih 2,5 Ha.[5] Pasar iki wis naté dipugar ping pindho ya iku nalika taun 1951 lan 1970.[2]. Ciri khas yasan iki bisa dideleng saka interior yasan, ya iku akulturasi arsitèktur kolonial lan tradhisional Jawa.[3] Pasar iki dibagi dadi rong yasan pinisah ya iku sisih wétan lan kulon.[3] Wangunan utama ing sisih kulon ana rong tingkat, déné yasan ing sisih wétan duwé telung tingkat.[3] Lawang utama (gerbang) ana ing sisih kulon ngadhep dalan Maliyabara.[3] Ing gerbang iku tinulis Pasar Beringharja mawa aksara Latin lan aksara Jawa.[3]
RujukanBesut
- ↑ a b c d Situs Tembi:Keraton Yogjakarta-Pasar Beringharjo (dipunundhuh tanggal 22 Fèbruari 2011) Masalah sitiran: Tenger
<ref>ora trep; jeneng "internet1" diwedharaké ping bola-bali déné isiné béda - ↑ a b c d Yogyes PASAR BERINGHARJO - Pasar Tradisional Terlengkap di Yogyakarta (dipunundhuh tanggal 22 Fèbruari 2011) Masalah sitiran: Tenger
<ref>ora trep; jeneng "internet3" diwedharaké ping bola-bali déné isiné béda - ↑ a b c d e f g h i j Jogjatrip: Pasar-beringharjo (dipunundhuh tanggal 22 Fèbruari 2011)
- ↑ Kalawarti Panjebar Semangat. No 51/2005. Kaca 9
- ↑ a b Gudegnet:Catur tunggal (dipunundhuh tanggal 22 Fèbruari 2011)