Pitik betutu

Pitik betutu utawa ayam betutu iku masakan saka Bali kanthi bahan pitik utawa bèbèk potong. Pitik betutu biasa kanggo panganan sadina-dina ing kulawarga Bali.

pitik betutu

Resep ayam betutu

Cara panggawéné ya iku: Pitih disembelih, banjur dikumbah, diresiki nganti resik lan siap dimasak. Pitik sing wis diresiki iku ora usah dikethoki nanging diumbar tetep wutuh. Banjur nyiapaké bumbu : brambang, bawang, kemiri, kencur, lombok rawit, jaé, kunir, mrica.

Laos, jaé, brambang, bawang, kencur, kunir, lombok rawit dicincang nganti lembut, banjur dicampur kemiri, ketumbar, mrica kang wis diuleg kanthi lembut, banjur bumbu dicampur nganti kulet lan diwènèhi uyah. Tambah godhong jeruk bèn wangi lan ora amis, lan sereh, uga godhong salam. Sawisé sambel bumbuné iku wis siap banjur dilebokaké ing jeroané pitik iku. Sabanjuré dibuntel nganggo godhong gedhang banjur dikukus. Kira kira sajam olèhé ngukus terus diangkat lan siap kanggo lawuh dhaharan.