Prajanjian Padagangan Gegaman

Prajanjian Padagangan Gegaman (basa Inggris: The Arms Trade Treaty , ATT) iku prajanjian internasional sing ngatur babagan padagangan gegaman internasional. Prajanjian iki disahaké déning Majelis Umum Perserikatan Bangsa-Bangsa nalika tanggal 2 April 2013 ing New York, Amérikah Sarékat. ATT ngupaya kanggo ngrégulasi lan matesi padagangan internasional sajeroning gegaman konvènsional, wiwit saka gaman ènthèng tekan tank perang lan kapal perang sing regané 70 milyar. Saka 193 nagara anggotané, ana 154 nagara sing nyengkuyung, telu nentang, lan 23 abstain.

Isi prajanjian

Prajanjian iki nélakaké yèn padagangan gegaman internasional bakal diwatesi utawa dilarang, yèn ancasé kanggo:

• Dipigunakaké sajeroning palanggaran hak asasi manungsa utawa hukum humanitarian internasional sing serius, utawa tindakan genosida lan kadurjanan kamanungsan;
• Mènèhi fasilitas marang serangan térorisme, kakerasan gender, utawa uga kadurjanan sing kaorganisisasi liyané;
• Nglanggar kewajiban-kewajiban sing dikukuhaké sajeroning Piagam PBB, kalebu embargo gegaman PBB;
• Mangaruhi kaamanan régional, lan
• Pangrusakan serius marang upaya pangentasan kamiskinan utawa pambangunan sosial ékonomi liyané.

Uga delengen

• Indhustri gegaman
• Padagangan gegaman
• Palucutan gegaman

Pranala njaba

• Official website of the United Nations conference on the Arms Trade Treaty
• Arms Trade Treaty information at the United Nations Office of Disarmament Affairs
• Arms availability, International Committee of the Red Cross website
• Control Arms Campaign
• Official website for the UK Mission on Arms Control and Disarmament in Geneva