Wikipédia

Prambors

Jaringan radio ing Indonesia

Prambors ya iku stasiun radhio kang sasarané kaum mudha Ing Indonésia.[1] Jeneng jangkep Prambors ya iku Prambors Rasisonia singkatan saka Prambanan, Mendut, Borobudur dan sekitarnya (Prambors) lan Radhio Siaran Sosial Niaga (Rasisonia).[1]

Sajarah

besut

Wiwitane Prambors iku radhio sing digawé déning saklompok nom-noman sing nembé bisa dirungokake ing sak pérangan panggonan ana Jakarta, ya iku Prambanan, Mendut, Borobudur lan kiwa-tengené.[2] Rikala semono anggotane Prambors ya iku Imran Amir, Mursid, Rustam, Malik Sjafei, Bambang Wahyudi, lan Tri Tunggal.[2] Para anggota mau ngrasa perlu ngewenehi Prambors pemancar radhio.[2] Banjur dhèwèké kabèh ngrakit transmiter prasaja lan kabèh ubarampe kang dibutuhake ana ing kamare Bambang Wahyudi.[2] Amerga biyèn durung ana kaset utawa tape, mula yèn muter lagu nganggo piringan ireng.[2] Tahun 1970, pamarintah ngentokake aturan anyar, ngenani radhio ya iku saben radhio kang duwé badan hukum kudu wujudé Perseroan Tebatas (PT) utawa perkumpulan.[2] Prambors netepi aturan iku, saéngga jenenge dadi PT Radhio Prambors Broadcasting Service.[2] Rikala taun 80-an jeneng iku diowahi manèh dadi PT Radhio Prambors.[2] Alon-alon, jebul Prambors wis nduwé komunitas pendengar kang akèh-akèhé cah nom. Lagu-lagu lan materi giyaran uga dipasake marang sing ngrungokake.[2] Wiwit taun 1971 nganti 1978, Prambors uga saya manteb ana ing jurusan cah nom, sing rikala semono durung nduwé saingan.[2] Produk Prambors saya akèh, wiwit saka kaset kompilasi nganti acara off air Lomba Cipta Lagu Remaja (LCLR) kang sukses.[2] Ana ing jaman 80-an, Prambors wiwit ndhandhani awake dhéwé amarga rikala semono wis krasa ana saingan karo stasiun radhio liya.[2] Salah sijining usaha supaya tetep njaga komunitas pendengar ya iku mawa games.[2] Kuis kang dikembangake akèh jinisé, karo bebungah kang pas iku lumayan sensasional, upamané mobil.[2] Saliyané kuis, ing mangsa 90-an wiwit ana acara-acara anyar, kaya ta Catatan si Boy, Diary, uga acara off air kaya Tenda Mangkal, Prambors Nite.[2] Komunitas pendengar Prambors saya suwé saya gedhé, mligine disengkuyunh déning pembenahan kualitas audione kang dipindah menyang jalur FM 102.3 ing taun 1987.[2] Amerga ana penataan ulang kabèh frekuensi kang ditokake déning Departemen Perhubungan, wiwit 1 Agustus 2004 Prambors malih frekuensi sing biyene FM 102.3 dadi102.2.[2] nganti saiki, Prambors ana ing 8 kutha ing Indonésia, ya iku:

SI JABRIK

besut

Prambors duwé logo kang raket banget karo jeneng Prambors. Logo iku wujudé wajah wong wadon kang rambute kriting, gambar vinyet.[3] Wong-wog ngarani “Si Jabrik”.[3] Pisanane logo Prambors metu mung angger nggawé gambar templek kang tulisané “Prambors”.[3] Ora padha, ora masalah.[3] Nanging rikala Prambors kudu dadi badan usaha, pas iku kepikiran Prambors kudu nduwé logo.[3] Ceritane ana salah sijiné sampul almbum kelompok musik saka Walanda –The Ekseption-kang gambare apik.[3] Gambare kira-kira arep padha karo logo “si Jabrik” saiki.[3] Supaya ora dikira njiplak tenanan, gambare diowahi sitik.[3] Gambar wong wadon iku digawé ndhingkluk.[3] Sing ngowahi gambar iku ya iku penyiar Prambors, Wimi.[3]

Logo “Si Jabrik” wiwit dianggo taun 1969, pas Prambors awujud yayasn.[1] Wong wadon kriting iki saya disenengi, nganti akèh sing niru lan dipasang ana kaca mobil.[1]

taun 1980-an, ukurane “Si jabrik” digawé luwih cilik, mung ana ing jero huruf O saka tulisan Prambors, nanging, logo iki tau ilang rikala Prambors manuhaké gambar templek kuning “102.3 Fmania”.[2] Rikala Prambors nggenti logone dadi wujud biru oval ditambahi lis warna ireng, si Jabrik ora dikatutkake.[3] Banjur ing taun 2001, logo si Jabrik metu manèh.[3] Gumregut obahan retro ana Prambors tetep ndadèkaké mawa sing paling apik saka punjul 40 taun kapungkur.[3]

Program unggulan

besut

Pambiwara (DJ) sing kondhang

besut

Cathetan suku

besut
  1. ↑ a b c d Sejarah Prambors Archived 2012-06-17 at the Wayback Machine. (dipunundhuh tanggal 6 Juni 2012)
  2. ↑ a b c d e f g h i j k l m n o p q r s www.pramborsfm.com Archived 2012-06-17 at the Wayback Machine. (dipunundhuh tanggal 16 Juni 2012)
  3. ↑ a b c d e f g h i j k l m www.anneahira.com Archived 2012-06-25 at the Wayback Machine. (dipunundhuh tanggal 3 Juli 2012)

Pranala njaba

besut


Dijupuk saka "https://jv.wikipedia.org/w/index.php?title=Prambors&oldid=1673721"