Provinsi Mekkah
Mekah utawi Makkah al Mukarramah (Bhasa Arab : مكة المكرمة) utawi saged dipunsingkat Makkah. Makkah minangka minangka kutha ingkang wonten ing Arab Saudi. Kutha punika dados tujuan utama kaum muslimin kanggé njangkepi ibadhah haji, wonten ing kutha punika wonten satunggal yasan utama ingkang kaaran Masjidil Karam kanthi Ka'bah ingkang wonten ing salebetipun. Yasan Ka'bah punika dipundadosaken patokan arah kéblat kanggé ngibadah salat umat Islam wonten ing donya.[1] Kutha punika minangka kutha ingkang suci kanggé umat Islam kaliyan papan miyosipun Muhammad [2]
GéografiBesut
Kutha Mekah manggènipun kinten-kinten 600 km sisih kidulipun madinah kirang langkung 200 km sisih wétanipun kutha Jeddah.[2]
Padang ArafahBesut
Padang Arafah inggih punika papan pepanggihanipun antawisioun Adam kaliyan Hawa. wonten ing papan punika, malaékat Jibril ngajari nabi Ibrahim babagan manasik kaji. Saged kawastanan Padang Arafah amargi wonten ing papan punika manungsa ngakoni sadaya kalepatanipun, wonten ing basa arab "ya'tarifun" ingkang ngemu teges dosa kaliyan sadaya kalepatan.