Madinah

Kutha Suci Al Madinah Al Munawwarah المدينة المنورة Madinah
Katrangan gambar (saka nduwur manengen): sesawangan sajroning Masjid Nabawi , Masjid Nabawi , sesawangan Madinah saka pemakaman Jannatul Baqīʿ , Gunung Uhud, lawang mlebu sanjabaning Masjid Nabawi, sesawangan Masjid Nabawi nalika wengi.
Lokasi Kutha Madinah ing Praja Arab Saudi
Provinsi	Provinsi Madinah
Pamaréntahan
• Walikutha	Fahad Al-Belaihshi
Laladan
• Gunggung	173.000 km2 (67,000 sq mi)
Élepasi	608 m (1.995 ft)
Cacah warga (2006)
• Gunggung	1.300.000
Zona wektu	Arabia Standard Time (UTC-3)

Kutha Medinah IPA: /mɛˈdiːnə/ (Arab: المدينة المنورة‎‎ IPA: [ælmæˈdiːnæl muˈnɑwːɑrɑ] or المدينة IPA: [ælmæˈdiːnæ]; uga ditransliterasi dadi Basa Inggris: Madinah; resminé al Madīnat al Munawwarah) iku sawijining kutha kang dumunung ing tlatah Hijaz, perangan sisih kulon negara Arab Saudi, lan minangka ibukutha Provinsi Madinah. Sajroning agama Islam, kutha iki minangka kutha suci kapindho lan panggonan Kanjeng Nabi Muhammad Saw disarèkaké.

Padununge gunggungé punjul 1.300.000 (ing taun 2006). Mbiyen, Kutha Madinah kaloka kanthi jeneng Yatsrib, nanging banjur diowahi dadi Madīnatun Nabī (مدينة ﺍﻟﻨﺒﻲ IPA: [mæˈdiːnæt æˈnːæbiː] "kutha Nabi") utawa Al Madīnah al Munawwarah ("kutha kang dipadhangi/diènthèngké" utawa "kutha kang sumunar"). Madinah dumunung 338 kilomèter sisih lor Mekah lan kira-kira 193 kilometer saka pasisir Segara Abang. Kutha iki manggon ing tlatah kang paling subur ing tlatah Hijaz. Masjid Nabawi (Masjid Nabi) ngadeg ing sisih wétan kutha lan sarupan karo Masjidil Haram ing Mekah nanging ukurané luwih cilik. Platarané mèh 152 meter dawané, kanthi kubah lan telu menara kang éndah.

Pesareyane (makame) Sayyidah Fatimah az-Zahra (putra Kanjeng Nabi Muhammad) lan Sayyidina Abu Bakar as-Shiddiq (khalifah pisanan lan ramane Siti Aisyah garwa Kanjeng Nabi Muhammad), lan Sayyidina Umar (Umar bin Khattab), khalifah kapindho uga dumunung ing kéné. Masjid Nabawi nalika jamané Kanjeng Nabi Muhammad, wis tau kobongan ping pindho lan didandani.

Mula Bukanipun Medinah

Sasanalaya Jannatul Baqi, Madinah

Wonten ing jaman sadèrèngipun Islam ngrembaka, Kutha Madinah kaaran Yastrib, misuwur dados punjering dedagangan. Salajengipun nalika Kanjeng Nabi Muhammad hijrah saking Kutha Mekah, kutha punika dipungantos namanipun dados Madinah minangka kutha punjering pangrembakaning Islam ngantos dumugi Nabi Muhammad séda, lan dipun-saréaken wonten mriki. Salajengipun kutha punika dados punjering kekhalifahan panerus Kanjeng Nabi Muhammad. Wonten tiga khalifah ingkang maréntah wonten saking kutha punika, inggih punika Abu Bakar, Umar Bin Khattab kaliyan Utsman bin Affan. Nalika ing jaman pamréntahanipun Ali bin Abi Thalib, pamaréntah dipunpindahaken dhateng Kutha Kufah wonten laladan Irak, punika amargi wonten gejolak pulitik sédanipun khalifah Utsman bin Affan kaliyan para kaum pambrontak. Salajengipun nalika papréntahanipun Bani Umayyah, papréntahanipun dipunpindahaken malih dhateng Kutha Damaskus kaliyan nalika papréntahan dipuncepeng kaliyan Bani Abbassiyah, papréntahan dipunpindah malih dhateng Kutha Baghdad.

Madinah

Géografi

Kutha punika kinubengan kaliyan redi kaliyan redi alit-alit sarta gadhahi iklim ara-ara. Suhu ingkang inggil kinten-kinten antawisipun 30 °C ngantos dumugi 45 °C nalika mangsa ketiga, suhu rata-ratanipun kinten-kinten 10 °C ngatos 25 °C.

Ékonomi

Saking sèktor Ékonomi, kapérang dados sekawan inggih punika sèktor tetanèn, pakebonan kurma ingkang sampun misuwur, peternakan, dagang kaliyan jasa.

Wiyata

Medinah dados punjering pendhidhikan Islam wiwit jaman Kanjeng Nabi Muhammad. Ugi kathah ulama-ulama kaliyan para pinter Islam, tuladhanipun Imam Malik. Wonten Jami'ah (Universitas) kaliyan Pawiyatan-pawiyatan luhur sanèsipun.

Uga delengen

Masjeed Nabawee at sunset

• Jeddah
• Aksèn Hejazi

Pranala njaba

• Beautiful Masajids Of Madina Munawara, Details And Pictures- Completely In Urdu
• • Pictures of Medina Munawwara Archived 2007-12-16 at the Wayback Machine.