Pulo Ambon
Pulo Ambon inggih punika pulo ingkang dunungipun wonten ing Kapuloan Maluku, ing kidul Pulau Seram. Sapunika, kutha Ambon minangka kutha krajan saking provinsi Maluku.[1]
Géografi
besutSaking géografis kasungsun saking kalih Jazirah, Lei Hitu saha Lei Timur. Kanthi wates-watesipun inggih punika:
- Lor winatesan kaliyan Ujung Huamual (Kabupatèn Seram Pérangan Barat)
- Kidul winatesan kaliyan Laut Banda
- Kilen winatesan kaliyan Kabupatèn Buru Selatan
- Wétan winatesan kaliyan Pulau Haruku (Kabupatèn Maluku Tengah)[2]
Sajarah
besutNalika jaman VOC, Pulo Ambon misuwur ing tlatah Indonésia ugi ing mancanagara minangka salah satunggaling pusat pengasil bumbon crakèn ing Nuswantara. Saderengipun Portugal njajah Timor Leste saha saderengipun Batavia dados pusat VOC, 2 kekiyatan ageng inggih punika Portugal saha VOC gadhah pusata ing kutha Ambon.[3] delengen ugi AMBON masa kini.
Dinten lair utawi dinten dadosipun kutha Ambon sampun dipuntetepaken ing tanggal 7 September 1575 wonten ing sawijining seminar ing Kota Ambon. Panemtuan punika sakingb pamanggihipun Walikotamadya Kepala Daerah Tingkat II Ambon Almarhum Letnan Kolonel Laut Matheos H. Manuputty (Walikota ingkang angka 9).
Saperlu punika wonten Surat Dudutan Walikotamadya Kepala Laladan tingkat II Ambon kanthi tanggal 10 Juli 1972 nomer 25/KPTS/1972 ingkang dipunewahi ing tanggal 16 Agustus 1972, ingkang wosipun babagan pembentukan Panitia Khusus Sajarah Kota Ambon kanthi tugas saperlu nemtokaken dinten pengetan pahargyan kutha Ambon. Lajeng kanthi surat ingkang tanggal 24 Oktober 1972 nomer PK. I/4168 minangka Panitia Khusus Sajarah Kota Ambon masrahaken tugasipun dhumateng Fakultas Keguruan Universitas Pattimura saperlu ngawontenaken sawijining seminar ilmiah saperlu nemtokakaken pahargyan Kota Ambon.
Salajengipun ing tanggal 26 Oktober 1972 Pimpinan Fakultas Keguruan ngawontenaken rapat kanthi pimpinan Jurusan Sajarah lan kasilipun inggih punika dipunterbitaken Surat Dudutan Dekan Fakultas Keguruan Universitas pattimura kanthi tanggal 1 Novèmber 1972 nomer 4/1972 babagan pembentukan Panitia Seminar Sajarah Kota Ambon. Seminar sajarah punika dipunadani saking tanggal 14 dumugi 17 Novèmber 1972, ingkang dipunrawuhi kirang langkung kalih atus tiyang ingkang kasungsun saking unsur-unsur akademis, Tokoh Masarakat lan Tokoh adat sarta aparat Pamaréntah Kodya Ambon saha Provinsi Maluku.[4]
Kependudukan
besutSuku bangsa Alifuru inggih punika punduduk asli Maluku saha Pulo Ambon, sapunika penduduk Ambon kathah ingkang agamanipun Islam saha Kristen Protèstan, kejawi penduduk asli wonten ugi saking suku-suku sanès ing Indonésia ingkang puluhan taun manggoen ing Maluku kados ta suku Buton saking Sulawesi Tenggara, suku Minang saha Melayu saking Sumatera saha suku Bugis,Toraja saha Makassar saking Sulawesi Selatan pagesangan ing mriki kathah ingkang tetanen ing pagunungan saha dados pedagan ing wewengkon pasisir.
Sapérangan ageng penduduk ingkang agama Islam manggèn ing Pulo Ambon pérangan Ler (Lei Hitu) saha sapérangan ageng penduduk mawi agama Kristen mliginipun Protèstan manggèn ing pulo Ambon pérangan kidul (Lei Timur).[5]
Administrasi wewengkon
besutSaking administrasi wonten ing papréntahan inggih punika provinsi Maluku, Pulo Ambon kapérang dados kalih pérangan, ing pundi pérangan lèr mau Lei Hitu mlebet ing administrasi Kabupatèn Maluku Tengah saha pérangan kidul Lei Timur mlebet ing administrasi Kota Ambon.
Cathetan suku
besut- ↑ "Archive copy". Diarsip saka sing asli ing 2012-11-22. Dibukak ing 2012-11-25.
{{cite web}}: CS1 maint: archived copy as title (link) - ↑ [1]
- ↑ "Archive copy". Diarsip saka sing asli ing 2012-07-23. Dibukak ing 2012-11-25.
{{cite web}}: CS1 maint: archived copy as title (link) - ↑ "Archive copy". Diarsip saka sing asli ing 2013-02-24. Dibukak ing 2012-12-20.
{{cite web}}: CS1 maint: archived copy as title (link) - ↑ [2][pranala mati permanèn]