Rachel Amanda

paraga wadon saka Jakarta, Indhonésiya

Rachel Amanda Aurora utawa kang biyasa diundang kanthi jeneng Amanda[1] iku salah sijiné bintang akting lan penyanyi Indonésia.[2] Amanda lair ing Jakarta, tanggal 1 Januari 1995.[2] Amanda wiwit misuwur nalika akting dadi karakter Candy ing sinétron CANDY kang disiyaraké ing RCTI.[2] Saka sinétron iki, ndadèkaké Rachel Amanda éntuk akèh tawaran main sinétron kaya ta sinétron LIA, CINTA FITRI 3, TERSANJUNG 6, NIRMALA, PAPAKU KEREN-KEREN, PINTU HIDAYAH, SOLEHA, SARAS DAN KARUNIA, lan INDERA KEENAM.[2] Rachel Amanda tau akting dadi copet ing sinétron NAMAKU MENTARI.[2] Rachel Amanda uga tau éntuk penghargaan Penyanyi Anak Terbaik, Anugerah Musik Indonesia 2005 lan Nominasi MTV Indonesia Movie Award kanggo Kategori Breaktrough Actress.[2] Saliyané iku, Amanda uga tau dadi bintang filem HEART nalika taun 2005 lan I LOVE YOU, OM nalika taun 2006.[2] Bareng karo Restu Sinaga, Ira Wibowo lan Karenina, Rachel akting dadi tokoh Dian, bocah wadon cilik kang seneng wong lanang kang umuré luwih tuwa tinimbang dhèwèké.[2] Sasi Juni 2009, nalika arep sasi Ramelan, Rachel diajak penyanyi Opick kanggo dhuet ing lagu kang judhulé Maha Melihat.[2] Taun 2009, Rachel akting ing layar lebar ya iku ing filem KATA MAAF TERAKHIR.[2] Rachel uga tau main ing sinétron Kejora lan Bintang.[2]

Rachel Amanda Aurora
LairRachel Amanda Aurora
Jeneng liyaRachel Amanda
PakaryanArtis
Penyanyi
Model
Taun aktif2001 - saiki
Dhuwur157 cm (5 ft 2 in)
Wong tuwaAde Paul Lukas (ayah)
Safira (ibu)

Cathetan suku besut

  1. infoselebindo.com[pranala mati permanèn](dipunundhuh tanggal 28 Agustus 2011)
  2. a b c d e f g h i j k selebriti.kapanlagi.com(dipunundhuh tanggal 28 Agustus 2011)