Sisak
Sisak (inggris: Shishak utawa Susac; ibrani: שישק, Tiberias: [ʃiʃaq]; Shishaq) ya iku jeneng saka raja Mesir kuno pisanan ditulis ing Alkitab ibrani lan ing Prajanjian Lawas ing kitab Suci Kristen. Umumé ditepungi minangka sang Pirngon Shoshenq I, sanadyan saiki ora sarujuk menawa dibuktekake.
Papréntahan Sisak
besutSisak iki pisanan mèlu ing sajarah Karajan Israel nalika mènèhi pangayoman marang Jerobeam bin Nebat sing lumayu menyang Mesir ing pungkasan mangsa papréntahan raja Salomo.[1] Sawisé sang prabu Salomo séda, Yerobeam banjur dadi raja wiwitan ing Karajan saka Lor Israel.[2]
Tumindaké Sisak sing misuwur dhéwé ing sajarah ya iku gropyokan kutha Yerusalem ing taun 925 SM, 5 taun papréntahan raja Réhabéam bin sang Salomo ing Karajan Yéhuda. Prastawa iki dicathet ing Alkitab 1 raja-Raja 14:25 lan 2 Babad 12:1-12. Sisak nyerang Karajan Yehuda karo 1.200 kreta lan 60.000 wong nunggang jaran, wong-wong sing ndherekaké panjenengané saka ing tanah Mesir, ya iku wong-wong saka Libya, wong Suki lan wong-wong saka Ethiopia, ora kaetung.[3] Piyambaké ngrebut kutha-kutha beteng ing Yehuda, lan pungkasané dijupuk Yerusalem.[4] Sisak ngrampas barang-barang papan ibadah lan barang-barang ing omah raja; kabèh dirampas. Dhèwèké uga ngrampas kabèh perisai emas sing digawé Salomo.[5]
Rujukan
besut- ↑ "1 Raja-raja 11:40 (Versi Paralel) - Tampilan Ayat - Alkitab SABDA". alkitab.sabda.org. Dibukak ing 2018-02-14.
- ↑ "1 Raja-raja 12:20 (Versi Paralel) - Tampilan Ayat - Alkitab SABDA". alkitab.sabda.org. Dibukak ing 2018-02-14.
- ↑ "2 Tawarikh 12:3 (Versi Paralel) - Tampilan Ayat - Alkitab SABDA". alkitab.sabda.org. Dibukak ing 2018-02-14.
- ↑ "2Taw 12:4; 2Taw 12:9 (TB) - Tampilan Daftar Ayat - Alkitab SABDA". alkitab.sabda.org. Dibukak ing 2018-02-14.
- ↑ "1Raj 14:26; 2Taw 12:9 (TB) - Tampilan Daftar Ayat - Alkitab SABDA". alkitab.sabda.org. Dibukak ing 2018-02-14.