Reza Artamevia
Reza Artamevia Adriana Eka Suci (lair ing Jakarta, 29 Mèi 1973; umur 51 taun) iku salah sijiné penyanyi kang asalé saka Indonésia.[1] Reza Artamevia iku penyanyi Indonésia kang isih nduwéni katurunan campuran Jawa lan Sunda.[1] Reza nduwéni ciri khas nduwéni swara alton.[1] Reza wiwitan nyanyi nalika taun 1997.[1] Reza Artamevia pancén lair ing kulawarga kang nduwéni darah seni.[1] Mbah kakungé nduwéni sanggar jogèd Jawa lan ibuné kang isih nduwéni katurunan Sala kerep nari ing Pura Negara wiwit jaman pamrintahan Présidhèn Soekarno nganti Présidhèn Soeharto.[1] Saliyané nduwéni kaprigelan nyanyi, Reza uga seneng nari lan bisa narekaké jogèd-jogèd Jawa klasik.[1]
| Reza Artamevia | |
|---|---|
 | |
| Latar wuri | |
| Jeneng lair | Reza Artamevia Adriana Eka Suci |
| Lair | Mèi 29, 1973 Jakarta
|
| Jinis Musik | Pop, RnB |
| Pakaryan | Aktris, Politikus |
| Taun aktif | 1995-saiki |
| Pasangan | Adjie Massaid (pegat) |
| Anak | Zahwa Aaliya |
Karir
besutNalika sekolah ing Sekolah Dasar, Reza wis menangaké akèh lomba nyanyi.[1] Kariré dadi penyanyi kawiwitan nalika Reza menangaké lomba nyanti ing acara "Lomba Lagu Anak-anak TVRI", nalika taun 1985.[1] Wiwit sekolah ing SMP, Reza wis nggawe band lan para sakabate uga njurung band iki.[1] Reza banjur ngembangaké hobi nyanyine iki nganti Reza kuliyah ing Fakultas Ékonomi Universitas Pancasila Jakarta.[1]
Kauripan pribadi
besutReza nikah karo aktor lan pulitikus kang jenengé Adjie Massaid nalika tanggal 9 Fèbruari 1999.[2] Saka pernikahan iki Reza nduwéni anak kang cacahé loro ya iku (Zahwa dan Aaliya).[2] Nalika tanggal 17 Januari 2005 Reza lan Adjie cerai kanthi kaputusan saka Pengadilan Agama Jakarta Selatan.[2]Adjie Massaid pungkasane nikah karo Anggelina Sondakh nalika taun 2009.[2] Sawisé iku Adjie Massaid tilar donya, Reza lan Anggelina Sondakh dikabaraké kerja sama sajeroning ngrumati anak-anaké Adjie Massaid.[2]
Cathetan suku
besut
| Artikel iki minangka artikel rintisan. Kowé bisa ngéwangi Wikipédia ngembangaké. |