Ricardo Carvalho

Ricardo Alberto Silveira Carvalho OIH (pangucapan ing basa Portugis: [ʁi'kaɾðu kɐɾ'vaʎu], lair ing Amarante, Portugal, 18 Mèi 1978; umur 45 taun) ya iku juru main bal-balan sing asalé saka Portugal sing main minangka bèg tengah kanggo Real Madrid ing La Liga lan Portugal.

Ricardo Carvalho
Katerangan priangga
Jeneng dawa Ricardo Alberto Silveira de Carvalho
Dhuwur 1.81 m (5 ft 11 12 in)[1]
Posisi main Bèg Tengah
Katerangan klub
Tim saiki
Real Madrid
Angka 2
Karir sénior*
Taun Tim Main (Gul)
1997–2004 Porto 73 (3)
1998–1999Leça (pinajaman) 22 (1)
1999–2000Vitória de Setúbal (pinjaman) 25 (2)
2000–2001Alverca (pinjaman) 29 (1)
2004–2010 Chelsea 135 (7)
2010–2013 Real Madrid 37 (3)
2013–2016 AS Monaco
2016–2017 Shanghai SIPG
Tim nasional
1994-1995 Portugal U17 1 (0)
1995 Portugal U19 3 (0)
1996-1997 Portugal U20 9 (0)
1998-1999 Portugal U21 14 (1)
2003–2011 Portugal 75 (4)

* Gunggung main lan gul ing klub sénior tumrap liga dhomèstik iki mligi lan patitis per pukul 28 September 2011 (UTC).

‡ Gunggung main lan gul ing tim nasional iki patitis per pukul 31 Agustus 2011 (UTC)

Carvalho miwiti karir bal-balan ing klub lokal Amarante Futebol Clube. Sadurungé main kanggo Real Madrid, panjenengané naté main kanggo Porto, Leça F.C., Vitória de Setúbal, F.C. Alverca, lan Chelsea. Jenengé lekas dikenal wiwit main ing Porto. Bareng Porto, Carvalho kasil éntuk gelar juara Super Liga Portugal, Taça de Portugal, Supertaça Cândido de Oliveira, Piala UEFA, lan Liga Champions UEFA. Salanjuté panjenengané gabung ing klub Liga Primer Inggris Chelsea ing Juli 2004.[2] Sasuwené enem mangsa ing klub London mau, Carvalho nyatetaké ping 200 main ing kabèh kompetisi[3] lan kasil éntuk gelar juara Liga Primer Inggris, Piala FA, Piala Liga Inggris, lan Community Shield. Panjenengané banjur pindah ing Madrid lan gabung karo Real Madrid ing wulan Agustus 2010.[4] Bareng Real Madrid, Carvalho kasil éntuk gelar juara Copa del Rey. Panjenengané uga naté kapilih minangka bèg paling apik Liga Champions UEFA mangsa 2003-04.[5]

Carvalho main ing timnas Portugal wiwit wulan Oktober 2003.[6] Panjenengané kalebu skuat Portugal ing Euro 2004, Piala Donya FIFA 2006, Euro 2008, dan Piala Donya FIFA 2010. Carvalho mutusaké pensiun saka timnas ing wulan Agustus 2011. Panjenengané wés nyatetaké ping 75 main lan 4 gol kanggo timnas Portugal.

Réferènsi besut

  1. "Ricardo Alberto Silveira Carvalho - Player Profile". Real Madrid C.F. Official Website. Dibukak ing 10 October 2011.
  2. "Ricardo Carvalho completes the squad". chelseafc.com. 27 July 2004. Dibukak ing 7 April 2011.
  3. "CARVALHO: 200 AND COUNTING..." chelseafc.com. 18 December 2009. Dibukak ing 5 January 2010.
  4. "Ricardo Carvalho seals move from Chelsea to Real Madrid". BBC Sport. 12 August 2010. Dibukak ing 12 September 2010.
  5. "Ricardo Carvalho's Biography". www.geocities.com. Web Citation.org. Diarsip saka sing asli ing 2008-05-31. Dibukak ing 10 October 2011.
  6. "Scolari: "Meia-distância pode ser arma para o futuro"" [Scolari: "half-distance can be a weapon for the future"]. Record newspaper. 12 October 2003. Dibukak ing 11 January 2011. (ing basa Portugis)

Pranala njaba besut