Rini Mariani Soemarno Soewandi
Rini Mariani Soemarno Soewandi (lair ing Maryland, Amérika Sarékat, 9 Juni 1958; umur 65 taun) inggih punika Mantri Paindhustrian lan Perdangan ing Kabinet Gotong Royong.[1] Rini punika lulusan sarjana ékonomi lulusan taun 1981 saking Wellesly College, Massachusetts, Amérika Sarékat.[1] Rini mapan ing Amérika Sarékat ngantos yuswanipun tigang taun, amargi ramanipun nyambut damel ing Amérika Sarékat.[1] Panjenenganipun naté sekolah ing Jakarta.[1] Nalika yuswanipun sedasa taun, Rini ndhèrèk ramanipun dhateng Walanda.[1] Taun 1982, sasampunipun nyambut damel ing Departemen Keuangan Amérika Sarékat, Rini kondur malih dhateng Indonesia lan nyambut damel ing Citibank Jakarta ngantos panjenenganipun njabat dados Vice President ingkang nandhangi Divisi Coorporate Banking, Marketing, lan Trainning.[1] Taun 1989 panjenenganipun pindhah dhateng PT. Astra Internasional lan ing taun 1990 panjenenganipun pinitados kanggé njabat minangka dhiréktur Keuangan Astra Internasional.[1]
| Rini Mariani Soemarno Soewandi | |
|---|---|
 | |
| Mantri Badan Usaha Milik Nagara Indonésia ke-7 | |
| Linggih 27 Oktober 2014 – 20 Oktober 2019 | |
| Présidhèn | Joko Widodo |
| Kang sadurungé | Dahlan Iskan |
| Kang sawisé | Erick Thohir |
| Mantri Perindustrian lan Perdagangan Indonésia ke-20 | |
| Linggih 10 Agustus 2001 – 20 Oktober 2004 | |
| Présidhèn | Megawati Soekarnoputri |
| Kang sadurungé | Luhut Binsar Panjaitan |
| Kang sawisé | Mari Elka Pangestu Andung A. Nitimiharja |
| Rerincèn dhiri | |
| Lair | Juni 9, 1958 Maryland, AS |
| Bangsa |  Indonesia |
| Sisihan | Soewandi (cerai) |
| Alur | Ongki P. Soemarno (Adik) |
| Anak | 3 |
| Almamater | Wellesley College, Massachusetts, Amérika Sarékat |
| Profési | Pangamat ékonomi, Komisaris Aora TV |
| Agama | Islam |
Nalika taun 1998, Rini pinitados dados asisten babagan gayutan ékonomi kauangan internasional déning Fuad Bawazier ingkang njabat mantri kauangan nalika wekdal samanten.[1] Taun 1998, pamaréntah ugi ndadosaken Rini dados Wakil Ketua Badan Penyehatan Perbankan Nasional (BPPN).[1] Présidhén Megawati Soekarnoputri maringi amanah dhateng Rini supados njabat dados Mantri Perindustrian lan Perdagangan Kabinèt Gotong Royong, dipunlantik 9 Agustus 2001.[2]
Cathetan suku besut
- ↑ a b c d e f g h i Rini Mariani Soemarno Soewandi[pranala mati permanèn] dipunundhuh tanggal 4 Oktober 2011)
- ↑ Rini Mariani Soemarno Soewandi Kesederhanaan dan Keberuntungan Tidak Melupakan Akar Archived 2010-12-28 at the Wayback Machine. dipunundhuh tanggal 4 Oktober 2011)
Pranala njawi besut
Rini Mariani Soemarno Soewandi[pranala mati permanèn]
| Artikel iki minangka artikel rintisan. Kowé bisa ngéwangi Wikipédia ngembangaké. |