Sadwara

Sadwara iku jeneng sawijining peken utawa minggu sing dumadi saka 6 dina, sajeroning budaya Jawa lan Bali. Jeneng dina-dinané yakuwi: aryang – urukung – paniron – was – maulu – tungleh

Dina-dina ing Sadwara iki dipigunakaké ing prabot Wuku Paringkelan, yakuwi asal saka tembung ringkel sing tegesé apes. Paringkelan ana enem ya iku: Tungle, Aryang, Wurukung, Paningron, Uwas, lan Mawulu.

• Tunglé: tegesé apesé ing godhong, wateké: sanggup nanging ora diayahi, mupangat:gawé isin, larangan: aja nandur sing dijupuk godhongé kaya tembako, suruh, janganan lsp.
• Aryang: tegesé apesé ing manungsa, wateké:kerep lali, mupangat: gawé sabangsa racun, warangan lsp, larangan: mantu, ngadegaké omah, pindhah omah, miwiti nandur.
• Wurukung: tegesé apesé ing kéwan, wateké: léna, mupangat: kanggo ajag, larangan: negor alas.
• Paningron: tegesé apesé ing manuk, wateké: takabur, mupangat: mikat uatawa luru manuk, larangan: gawé kurungan.
• Uwas: tegesé apesé ing iwak loh, wateké: mélikan, mupangat: gawé piranti golèk iwak kaya jala, jaring, pancing lsp.
• Mawulu: tegesé apesé ing wiji, wateké: kerep lara, mupangat: miwiti ngolah sawah, larangan: miwiti nandur winih.

Uga delengen

• Peken
• Pancawara
• Saptawara
• Wuku