Samcheok
Samcheok (삼척시) inggih punika satunggaling kutha ingkang wonten ing provinsi Gangwon, Koréa Kidul.[1] Kutha punika mapan wonten ing dhataran ingkang wonten ing sisih wétan pagunungan Taebaek lan pasisir Laut Wétan.[1] Kutha punika gadhah pelabuhan alami sarta objek wisata pasisir mawi pasir putih.[1] Kutha Samcheok punika dados tlatah tujuan wisata ingkang kondhang nalika mangsa panas, mliginipun amargi sesawangan pasisir lan sagaranipun ingkang éndah.[2] Penduduk Samcheok sapérangan ageng nyambut damel dados warigaluh, saéngga manéka asil sagara kalebet pakolèhan utami masarakat ing kutha mau.[1] Jinis pakolehan ingkang kathah piyambak punika nus lan manéka jinis ulam.[1][3] Kalih pelabuhan utami wonten ing Samcheok, inggih punika Jangho lan Imwon gadhah kathah kapal kanggé nyekel nus.[1]
Pasisir Chu-am
besut
Chu-am inggih punika pasisir ingkang ateges "wewatuan lilin" wonten wewatuan ingkang jumeneng kados lilin.[1] Pasisir punika asring dipundugini déning para wisatawan kanggé ningali sesawangan srengéngé nalika medal saking Laut Wétan.[1] Pasisir punika dipungabungaken marang kutha Donghae nalika 1980 lan boten malih dados wewengkon Samcheok.[1]
Jukseoru lan Osip-cheon
besutJukseoru punika satunggaling pendopo mawi tingkat kalih kanthi umur 800 taun ingkang jumeneng ing sisih aliran kali Osip-cheon.[1] Pendopo ingkang jumeneng saking masa Dinasti Goryeo punika kalebet Harta Nasional Koréa Kidul No.213.[1] Jukseoru ateges "Pendopo ing sisih kulon Wana Pring".[1] Dipunubengi déning wit-witan lan pring saking Jukseoru saged mirsani aliran Osipcheon.[1] Osipcheon (makna barès: "kali seket") punika aliran kali ingkang dawanipun 50 km ingkang ngliwati Samcheok lan muaranipun marang Laut Wétan.[1] Jukseoru punika salah satunggal saking Gwandong Palgyeong.[4]
Hwanseon-gul
besutHwanseon-gul utawi Gua Hwanseon punika gua watu kapur paling ageng ing Koréa.[1][5] Saking sadaya nembé 55 gua ingkang saged dipundamel péta.[1] Wiwit saking dipunbikak ing taun 1997, Gua Hwanseon dados tujuan wisata énggal.[1] Nalika taun 2002, kutha Samcheok ngawontenaken Samcheok World Cave Expo kanggé nepangaken Gua Hwanseon marang wisatawan internasional.[1]
Kutha kembar
besutKuthakembar Samcheok inggih punika kutha-kutha ing jero lan jaban rangkah kados makaten:[6][7]:
Seongbuk-gu, Seoul saking 14 Oktober, 1999- Yeonsu-gu, Incheon saking 13 Oktober, 2000
- Guri, Gyeonggi-do saking 20 Maret, 2001
- Icheon, Gyeonggi saking 17 Agustus, 2004
- Seongnam, Gyeonggi saking 22 Juni, 2007
- Kabupatèn Ulleung, Gyeongsang Utara saking 25 Juni, 2009
Akabira, Hokkaidō saking 18 Juli, 1997- Kurobe, Toyama saking 18 Juli, 1997
- Kanda, Fukuoka saking Juli, 1997
Wangqing County, Jilin saking 4 September, 1997- Dongying, Shandong saking 24 Maret, 1999
- Jixi, Heilongjiang saking 21 Mèi, 2008
Leesburg, Virginia saking 22 April, 2003
Kungur, Perm Krai saking 30 Mèi, 2003
Mareeba Shire, Queensland saking 9 November, 2004
Cathetan suku
besut| Wikimedia Commons duwé médhia ngenani Category:Samcheok, Gangwon-do. |
- ↑ a b c d e f g h i j k l m n o p q r Choe Jeong Gyu (2008). "The Mountains, Seas, and Caves of Samcheok" (PDF). Koreana. 22: 68–75.
{{cite journal}}: Unknown parameter|month=ignored (pitulung)[pranala mati permanèn] - ↑ Opening Dates of Korea’s Major Beaches Archived 2010-06-10 at the Wayback Machine., visitkorea.
- ↑ Foods of Samcheok, eng.samcheok.go.kr.
- ↑ Jukseoru Pavilion[pranala mati permanèn], visitkorea.
- ↑ Hwanseongul (Natural Monument issue178), eng.samcheok.go.kr.
- ↑ Samcheok City - International Interchange City, eng.samcheok.go.kr.
- ↑ (ing basa Koréa)Sisterhood Cities, samcheok.go.kr.