Sami Yusuf
| Sami Yusuf | |
|---|---|
 Sami Yusuf | |
| Pratélan latar wuri | |
| Jeneng lair | Siamak Rad-manesh (Pèrsi: سيامک رادمنش) |
| Lair | Juli 21, 1980 Tehran, Iran |
| Génre | Spiritique |
| Pakaryan | penyanyi, kang ngréka lagu, komposer, prodhuser dan musisi multi-instrumentalis |
| Piranti | piano, keyboard, piyul, tar, santour, tombak, tabla, tar, oud, |
| Mangsa akarya | 2003–present |
| Labèl | ETM International 2009-Present |
| Sing magepokan | Ian Brown, Sezen Aksu, Conner Reeves |
| Sana jaringan | SamiYusufOfficial.com |
Sami Yusuf (lair ing Tehran, Iran, 21 Juli 1980; umur 44 taun) ya iku sawijining penyanyi sarta penulis lagu Inggris, komposer, prodhuser, lan uga musisi.[1]
Lair
besutSami Yusuf lair tanggal 21 Juli 1980 ing Azerbaijan.[1] Dhèwèké lair saka kulawarga pemusik.[2] Dhèwèké asalé saka Iran Teheran.[3]
Kulawarga
besutYusuf ya iku anak ragil saka kulawarga trah Azerbaijan kang netep ing London. Banjur Yusuf nikah karo sawijining wanita saka Jerman.[4]
Sami lan Musik
besutSami ndadèkaké musike kang Islami duwé makna dhéwé. Nyinaoni instrumen musik sakawit nom ndadèkaké dhèwèké duwé minat karier sajeroning musik lan nulis. Ing umuré kang isih kaetung nom, dhèwèké wis bisa dolanan piano, piyul, tar]], tombak, santour, DAF, tabla, lan oud. Dhèwèké uga duwé swara kang apik lan pengerten marang harmoni musik. Debut album mligi kang judhule album inovatif, Al-Muallim wis kaadol kurang luwih 3 yuta copy lan kasil éntuk penggemar ing Timur Tengah, Afrika Utara, lan nagara-nagara ing Asia Tenggara.[1]
Akeh wong kang seneng marang gagahe lan tata kramane, saéngga akèh penggemar niru apa kang dilakokake déning Sami sajeroning lagune. Penggemare uga ngakoni manawa tembange Sami bisa ngowahi uripé dadi luwih apik.[1]
Pendhidhikan
besutSami naté sinau ing Lembaga Royal Academy of Music, sawijining lembaga kang paling apik sajeroning donya musik, ana ing London, Inggris.[5]
Prestasi
besutIng wulan Juli 2009, dhèwèké éntuk gelar dhoktor saka Roehampton University kanggo kontribusi kang luar biyasa ing babagan musik.[3]
Samipun naté lumebu sajeroning berita luar negri kaya ta CNN, BBC, ABC, Al Jazeerah, lan saben saluran TV utama ing Timur Tengah lan Turki.[1] Majalah Time uga muji dhèwèké kalebu Bintang rock Islam lan Kaum [[]Muslim]] Inggris kang paling kawentar ing donya.[6]
Sami Yusuf nolak kawentaran,posisinya kang dadi seniman ya iku kapercayan suci lan dikurmati sajeroning nglayani sapadha-padha manungsa. Dhèwèké ora ngerti rasa kesel dadi duta kamanungsan sajeroning badan amal kalebu kang dsponsori déning PBB, Save the Children kang tujuane kanggo njunjung kurban banjir ing Pakistan taun 2010.[1]
Sami uga kalebu salah sawijining manungsa kang duwé prabawa ing [[Inggris[[ sajeroning dekade terakhir. Suwene 7 taun dhèwèké wis bisa ngowahi ati lan pikiran yutonan manungsa saka Timur Tengah, Éropah, Amérika Lor, lan Afrika Lor.[1]
Sami Yusuf uga dijurung déning pamarintah Inggris dadi ujung tombak sajeroning upaya kanggo ngadhem-ngadhemi pamarintah Sudan supaya mandheg saka kekerasan ing provinsi Sudan wétan iku.[7]
Diskografi
besut- Sami ngetokaké albume taun 2003 kanthi judhul "Sami 'al-Mua'llim".
Rilis: Juli 2003, wis kaadol punjul 2 yuta, single: "Al-Mu'allim" dan "Doa".[3]
- Album kapindhone ya iku "My Ummah".
Rilis: September 2005, wis kaadol punjul 4 yuta, single: "Hasbi Rabbi", "Mother" dan "Munajat".[3]
- Album ketelune Sami ya iku "Without You" dirilis taun 2009 kang isiné kompilasi demo lan sketsa déning Awakening records lan ditambahke 2 tembang nalika konser ing Wembley lan nalika tour musik ing Amérikah Sarékat kang disponsori déning Islamic Relief.[8]
- Wherever you are
Rilis: Juli 2010.[3]
Cathetan suku
besut- ↑ a b c d e f g [1] Archived 2011-10-10 at the Wayback Machine. Sami Yusuf(diaksés tanggal 14 September 2011)
- ↑ [2] Sami Yusuf(diaksés tanggal 14 September 2011)
- ↑ a b c d e [3] Sami Yusuf(diaksés tanggal 14 September 2011)
- ↑ [4] Archived 2012-03-20 at the Wayback Machine. Sami Yusuf(diaksés tanggal 14 September 2011)
- ↑ [5] Sami Yusuf(diaksés tanggal 14 September 2011)
- ↑ [6][pranala mati permanèn] Sami Yusuf(diaksés tanggal 14 September 2011)
- ↑ [7] Sami Yusuf(diaksés tanggal 14 September 2011)
- ↑ [8][pranala mati permanèn] Sami Yusuf(diaksés tanggal 14 September 2011)