Shevon Jemie Lai yaiku salah sawijining atlét badminton wadon aguna kang asalé saka Malésia. Shèvon lair ing Selangor surya ping 8 wulan Agustus taun 1993, saiki ngancik umur 26 taun lungguh ana Kuala Lumpur.[1] Shevon miwiti main badminton ing tingkat internasional ing taun 2011 lan uga mlebu ing tim nasional Malésia sisan. Dhèwèké yaiku atlét kang duwé getih Cina lan bisa kandha ing pirang-pirang basa kaya ta Melayu, Inggris, Mandharin, lan Kanton.[2]

Shevon Jemie Lai
赖洁敏
Sea Games Badmintion Final (37348926855).jpg
Shevon Jemie Lai ing Tim Badminton Malésia
Katerangan pribadi
NagaraBendera_Malaysia Malaysia
Lair (1993-08-08) 8 Agustus 1993 (umur 27)
Selangor, Malésia
Papan padunungKuala Lumpur, Malaysia
Dhuwur1.69 m (5 ft 7 in)
Bobot60 kg (132 lb)
Tangan sing dipigunakakéKéring
Gandha Putri & Campuran
Urut dhuwur dhéwé86 (GP 6 Juni 2013)
6 (GC 21 Juni 2018)
Urut saiki9 (GC 25 Fèbruari 2020)

KarirBesut

Kariré diwiwiti nalika dhèwèké mèlu ana ing pawiyatan SJKC Kuen Chèng lan dikatutaké ana kajuwaran BWF Badminton Yunior nomer kelas campuran lan kasil menangi medhali perak ing taun 2009, medhali perunggu ing taun 2010, lan medhali emas ing taun 2011 lan 2012, dhèwèké dadi juwara ing turnamèn Internasional Smiling Fish yaiku turnamèn mligi kanggo nomer gandha campuran bareng mitrané Wong Fai Yin. Pamain kang migunakaké tangan kéring kasebut uga dadi sémifinalis ing kajuwaran Malaysia Internasional ing nomer gandha putri bareng mitrané Marylen Poau Leng Ng lan ing Singapur Internasional nomer gandha campuran bareng mitrané Ong Jian Guo. Dhèwèké dadi sulihé Pawiyatan Luhur Kuala Langat tandhing ing Summer Universiade, Kazan, Rusia.[1]

Ing taun 2014 Shevon uga naté dadi sémifinalis ing turnamèn Singapur Internasional lan Malaysia Internasional ing nomer gandha campuran bareng mitrané Tan Chee Tean. Wulan Sèptèmber taun 2014 dhèwèké juwara loro ing turnamèn Viétnam Internasional kalah déning Dao Manh Thang lan Pham Nhu Thao saka Viètnam kanthi sekor 21-14, 21-11. Ing wulan Dhésèmber 2014 dhèwèké dadi juwara ing turnamèn Bangladhès Internasional nomer gandha campuran sawisé ngalahaké kanca sanegarané yaiku Tan Wee Gieen lan Peck Yen Wei kanthi sekor 21-17, 21-18.[1]

Taun 2015 dhèwèké dadi juwara loro ing turnamèn Granular-Thailand Internasional nomer gandha campuran sawisé kalah déning Choi Sol-kyu lan tilas juwara donya yunior Chae Yoo-jung saka Koréa Kidul kanthi sekor 18–21, 21–19, 21–12. Wulan Novèmber dhèwèké dadi juwara loro manèh ing nomer gandha campuran bareng mitrané Tan Wee Gieen lan dadi sémifinalis nomer gandha putri bareng Peck Yen Wei ing turnamèn Bangladhès Interasional.[1]

Ing 2016 Shevon menangi turnamèn Rumania Internasional ing nomer gandha campuran bareng mitrané Wong Fai Yin, sawisé saingan ketat kalawan kanca sanegarané Ong Yew Sin lan Peck Yen Wei kanthi sekor 21-15, 21-17. Dhèwèké uga dadi juwara kaloro ing turnamèn Smiling Fish Internasional nomer gandha campuran. Wulan Novèmber 2016 Shevon dipacangaké kalawan Gooh Son Huat, tilas nomer tunggal putra lan bakal ngadhepi turnamèn Malaysia Internasional.[1]

MitraBesut

Selawasé ambyur ing donya badminton Shevon kapétung main ing rong nomer yaiku gandha putri lan gandha campuran.

Gandha PutriBesut

Gandha CampuranBesut

BebungahBesut

Malésia ing pahargyan olah raga Asia Kidul Wétn wingi antuk semat juwara umum jalaran mikolèhi 10 medhali ing antarané 3 emas, 2 pérak, lan 5 perunggu. Shevon kang main bareng Goh Soon Huat antuk medhali pérak jalaran kalah déning pacangan Indonésia Praveen Jordan kalawan Melati Daéva Oktavianti.[18]

Pahargyan Olah Raga Asia Kidul WétanBesut

Gandha Campuran

Taun Papan Mitra Mungsuh Sekor Asil
2019 Komplèk Olah Raga Muntinlupa ,
Metro Manila, Filipin
  Goh Soon Huat   Praveen Jordan
  Melati Daeva Oktavianti
19–21, 21–19, 21–23   Silver

RujukanBesut

  1. a b c d e People Pill, Admin. "Pawongan Shevon Jemie Lai (Saka Basa Inggris)". People Pill. Retrieved 2020-02-26.
  2. BWF, Admin. "Pamain Shevon Jemie Lai (Saka Basa Inggris)". BWF Badminton. Retrieved 2020-02-27.
  3. BWF, Admin (2014-11-13). "Riwayat Rangking Shevon Jemie Lai Mitra Chou Mei Kuan (Saka Basa Inggris)". BWF Badminton. Retrieved 2020-02-27.
  4. BWF, Admin (2010-11-25). "Riwayat Rangking Shevon Jemie Lai Mitra Lai Pei Jing (Saka Basa Inggris)". BWF Badminton. Retrieved 2020-02-27.
  5. BWF, Admin (2013-06-18). "Riwayat Rangking Shevon Jemie Lai Mitra Marylem Poau Leng Ng (Saka Basa Inggris)". BWF Badminton. Retrieved 2020-02-27.
  6. BWF, Admin (2013-01-10). "Riwayat Rangking Shevon Jemie Lai Mitra Lim Yin Loo (Saka Basa Inggris)". BWF Badminton. Retrieved 2020-02-27.
  7. BWF, Admin (2012-06-07). "Riwayat Rangking Shevon Jemie Lai Mitra Joyce Choong (Saka Basa Inggris)". BWF Badminton. Retrieved 2020-02-27.
  8. BWF, Admin (2016-09-22). "Riwayat Rangking Shevon Jemie Lai Mitra Peck Yin Wei (Saka Basa Inggris)". BWF Badminton. Retrieved 2020-02-27.
  9. BWF, Admin (2012-04-26). "Riwayat Rangking Shevon Jemie Lai Mitra Lim Chiew Sien (Saka Basa Inggris)". BWF Badminton. Retrieved 2020-02-27.
  10. BWF, Admin (2012-06-28). "Riwayat Rangking Shevon Jemie Lai Mitra Tai An Khang (Saka Basa Inggris)". BWF Badminton. Retrieved 2020-02-27.
  11. BWF, Admin (2016-01-14). "Riwayat Rangking Shevon Jemie Lai Mitra Chee Tean Tan". BWF Badminton. Retrieved 2020-02-27.
  12. BWF, Admin (2011-01-01). "Riwayat Rangking Shevon Jemie Lai Mitra Heg Nelson Wei Keat (Saka Basa Inggris)". BWF Badminton. Retrieved 2020-02-27.
  13. BWF, Admin (2016-09-29). "Riwayat Rangking Shevon Jemie Lai Mitra Wong Fai Yin (Saka Basa Inggris)". BWF Badminton. Retrieved 2020-02-27.
  14. BWF, Admin (2010-08-26). "Riwayat Rangking Shevon Jemie Lai Mitra Wee Tat Tan (Saka Basa Inggris)". BWF Badminton. Retrieved 2020-02-27.
  15. BWF, Admin (2010-06-10). "Riwayat Rangking Shevon Jemie Lai Mitra Jian Hao Goh (Saka Basa Inggris)". BWF Badminton. Retrieved 2020-02-27.
  16. BWF, Admin (2013-04-04). "Riwayat Rangking Shevon Jemie Lai Mitra Jian Guo Ong (Saka Basa Inggris)". BWF Badminton. Retrieved 2020-02-27.
  17. BWF, Admin (2020-01-07). "Riwayat Rangking Shevon Jemie Lai Mitra Goh Soon Huat (Saka Basa Inggris)". BWF Badminton. Retrieved 2020-02-27.
  18. Hermawan, Reynaldi (2019-12-09). "Malaysia Juwara Umum Badminton Pahargyan Olah Raga Asia Kidul Wetan déné Indonesia ing Papan Kaloro (Saka Basa Indonesia)". iNews. Retrieved 2020-02-27.