Shinta Dewi
Shinta Dewi (lair ing Bandung, Jawa Barat, 18 Sèptèmber 1982; umur 42 taun) ingkang langkung misuwur kanthi asma Tata inggih punika satunggalipun penyanyi Indonésia anggota duo Mahadewi (tilas grup vokal Dewi Dewi).[1]
| Shinta Dewi | |
|---|---|
 | |
| Latar wuri | |
| Jeneng lair | Shinta Dewi |
| Lair | Sèptèmber 18, 1982 Bandung, Indonésia
|
| Jinis Musik | Rock |
| Pakaryan | penyanyi |
| Taun aktif | 2007 - sapunika |
| Parusahan rekaman | 2007-2008: EMI Music Indonésia 2009-sekarang: Swara Dewanaga |
| Hubungan | |
| Pasangan | Efran Fitrianto |
Karier
besutWiwit alit Tata sampun gadhah gegayuhan dados penyanyi amargi angsal inspirasi saking mbakyunipun ingkang sampun angsal arta piyambak amargi nyambut damel dados penyanyi ing cafe.[2] Tata wiwit serius nekuni babagan musik wiwit lulus saking bangku SMA kanthi damel Tequilla Band kaliyan kanca-kancanipun.[2] Tata ugi ndhèrèk jejak mbakyunipun dados penyanyi cafe.[2] Taun 2005, Tata miwiti nyobi mujudaken obsesinipun dados penyanyi ingkang misuwur kanthi ndhèrèk audisi Indonésian Idol 2.[2] Ing acara ingkang dipuntayangaken ing RCTI punika, Tata sukses nyingkiraken kathah peserta, nanging Tata namung saged mlebet 24 besar kemawon.[2]
Tata boten nyerah, kalih taun salajengipun Tata nyobi ndhèrèk audisi "Obsesi Déwa 19 Mencari Dewi Dewi" ing sasi Fèbruari 2007.[2] Kontes nyanyi punika dipungagas déning pentolan Déwa 19, Ahmad Dhani, kanggé pados penyanyi èstri cacah tiga ingkang badhé dados personil Dewi Dewi.[2] Audisi punika dipunlaksanakaken ing Jakarta lan Bandung ingkang dipuntayangaken ing SCTV.[2] Swantenipun Tata ingkang keras lan ngerock saged narik simpati Ahmad Dhani saéngga Tata kapilih kaliyan Ina lan Purie, kanthi ngalahaken kathah peserta.[2]
Cathetan suku
besutPranala njawi
besut- Profil Archived 2009-02-20 at the Wayback Machine. ing KapanLagi.com
| Artikel iki minangka artikel rintisan. Kowé bisa ngéwangi Wikipédia ngembangaké. |