Situs Ratu Baka
Situs Ratu Baka inggih punika wangunan tilaranipun Karajan Mataram Kina ingkang wonten ing Provinsi Daerah Istimewa Yogyakarta.[1] Wangunan punika wonten ing sisih kidulipun Candhi Prambanan, jarak antawisipun kalih candhi punika kinten-kinten 3 km.[2] Situs Ratu Baka dipunyasa ing wekdal pamarintahanipun Rakai Pangkaran, salah satunggalipun trah katurunan Wangsa Syailendra.[1] Kompleks Situs Ratu Baka punika wiwitanipun kapanggih déning van Boeckhlotz ing taun 1790.[2] Nanging nembé satunggal atus taun salajengipun, panaliten dhateng situs punika nembé dipunwontenaken lan dipunpublikasikaken ing buku Karaton van Ratoe Boko.[2] Miturut pamanggih para ahli sajarah, situs ingkang awujud candhi punika gadhah multifungsi, inggih punika minangka bénthèng karaton, panggènan ngibadah, lan guwa.[2] Jembar sadaya areal candhi ingkang wonten ing 196 m ing sanginggilipun lumah laut punika inggih punika 250.000 méter kubik.[2] Situs punika kapérang saking sekawan wangunan, sisih kilèn, wétan, lan tengahipun. Wangunan candhi punika kapérang saking wangunan gapura utami, lapangan, candhi pembakaran, kolam, lan kompleks keputren.[2] Ing sisih wangunan punika ugi wonten sumur ingkang namanipun Amerta Mantana ingkang tegesipun toya suci.[2] Ing sisih wétanipun wonten kompleks guwa, stupa Buda, lan kolam.[2] Lan ing sisih kilènipun wonten perbukitan ingkang narik kawigatén kanggé papan lérèn sasampunipun kliling situs candhi punika.[2]
| Ratu Baka | |
|---|---|
 Gerbang kompleks Ratu Boko | |
  Pernahé ing Jawa | |
| Tetélan pokok | |
| Cakrik yasan | komplèk karaton |
| Kutha | Cerak Kutha Ngayogyakarta, DIY |
| Nagara | Indonésia |
| Koordhinat | 7°46′14″S 110°29′22″E / 7.7705416°S 110.4894158°EKoordhinat: 7°46′14″S 110°29′22″E / 7.7705416°S 110.4894158°E |
| Rampung | kira-kira abad ka-8 |
| Klièn | Darah Sailendra utawa Karajan Medang Mataram |
Cathetan suku
besutPranala njawi
besut
| Artikel iki minangka artikel rintisan. Kowé bisa ngéwangi Wikipédia ngembangaké. |