Slamet Muljana

Prof. Dr. Raden Benedictus Slamet Muljana utawa Slamet Muljana (lair ing Yogyakarta, 21 Maret 1929 – pati ing Jakarta, 2 Juni 1986 ing umur 57 taun), ya iku salah siji filolog lan sejarawan Indonésia lan uga wis ngarang sawatara buku babagan sajarah.

Slamet Muljana

Pendhidhikan

Slamet Muljana éntuk gelar B.A. saka Universitas Gadjah Mada taun 1950, gelar M.A. saka Universitas Indonésia taun 1952, gelar Dhoktor Sajarah lan Filologi saka Universitas Louvain, Bèlgi, taun 1954, sarta dadi profesor ing Universitas Indonésia wiwit taun 1958.

Karier

Slamet Muljana tau mulang ing Universitas Gadjah Mada, IKIP Bandung (saiki Universitas Pendidikan Indonésia), Akademi Penerangan, lan Akademi Jurnalistik. Kajaba iku, Slamet Muljana uga tau mulang ing luwar nagari, antarané ing Wolfgang Goethe Universitas (Frankfurt, Jerman), State University of New York (Albany, Amérikah Sarékat), lan Nanyang University of Singapore (Singapura). Slamet Muljana uga tau dadi direktur Institut kanggo Basa dan Kebudayaan ing Singapura, sarta dadi anggota déwan kurator Institute of Southeast Asian Studies ing Singapura.

Buku

• Nagarakretagama (1953)
• Poezie in Indonésia (1954)
• Basa dan Sastra Indonésia (1955)
• Kaidah Basa Indonésia I (1956)
• Kaidah Basa Indonésia II (1957)
• Pulitik Basa Nasional (1959)
• Sriwijaya (1960, terbit ulang 2006)
• Asal Basa dan Bangsa Indonésia (1964)
• Semantik (1964)
• Menuju Puncak Kemegahan (1965, terbit ulang 2005)
• The Structure of The National Government of Majapahit (1966)
• Perundang-undangan Majapahit (1967)
• Runtuhnya Karajan Hindhu-Jawa dan Timbulnya Nagara-Nagara Islam di Nusantara (1968, terbit manèh taun 2006)
• Nasionalisme sebagai Modal Perjuangan Bangsa Indonésia I (1968)
• Nasionalisme sebagai Modal Perjuangan Bangsa Indonésia II (1969)
• A Story of Majapahit (1976)
• Nagarakretagama dan Tapsir Sejarahnya (1979, terbit manèh taun 2006)
• Dari Holotan ke Jayakarta (1980)
• Kuntala, Sriwijaya, dan Suwarnabhumi (1981)
• Pemugaran Persada Sajarah Leluhur Majapahit (1983).

Babagan karya Slamet Muljana

Karya-karya Slamet Muljana ing èlmu Sajarah trakadhang nuwuhaké kontroversi saka wong kang maca. Tuladhané ya iku ing buku Runtuhnja keradjaan Hindhu-Djawa dan timbulnja nagara-nagara Islam di Nusantara (1968). Slamet Muljana ngandharaké kanthi cetha bilih enèm wali saka Walisongo iku para ulama kang nduwé trah wong Cina. Dudutan iki dijupuk Slamet Muljana amarga mung adhédhasar buku kang ditulis M.O Parlindungan lan ora mriksa luwih dhisik naskah-naskah kang asalé saka Klenteng Sam Po Kong Semarang iku. Dudutan kang diandharaké ing bukuné iku éntuk kecaman saka masarakat kang wis nduwé kapracayan bilih para wali kang kalebu Walisongo iku keturunan bangsa Arab.

Sadurungé, buku iki tau diterbitaké penerbit Bhratara, Jakarta, ing taun 1968. Nanging banjur dilarang terbit déning Kejaksaan Agung ing taun 1971 amarga ndungkap prekara-prekara kang kontrovèrsial babagan enem Wali Songo kang asalé saka Cina. Ditambah manèh, nalika jaman Orde Baru kabèh prekara kang ana gegayutané karo Cina diilangaké kanthi sistematis kalebu babagan panulisan sejarah. Mula, pamaréntah Orde Baru nalika iku nglarang buku iku diterbitaké amarga lagi ngrembaka pamikiran anti Cina.