Soetjipto Danoekoesoemo

Inspektur Jenderal Soetjipto Danoekoesoemo (lair ing Tulungagung, Jawa Timur, 28 Fèbruari 1922; umur 102 taun)^[1] inggih punika Kepala Kapulisèn Nagara Républik Indonésia saking 30 Dhésèmber 1963 dumugi 8 Mèi 1965.^[2]

Masa alitipun dipuntelasaken wonten ing bangku HIS, MULO lan SMA-C. Piyambakipun lajeng ndhèrèk pendidikan wonten ing Kotoka I (Sekolah Pérangan Tinggi Kapulisèn) Sukabumi (1943). Sasampunipun tamat, Danoekoesoemo dipunangkat dados Komandan Batalyon Pulisi Istimewa Surabaya(1945).

Soetjipto wangsul malih ndhèrèk pendidikan Hersholing Mobrig wonten ing Sukabumi (1950). Sasampunipun punika, piyambakipun dipunangkat dados Wakil Koordinator lan Inspektur Mobile Brigade Pulisi Jawa Timur (1951), lan Wakil Koordinator lan Inspektur Mobrig Pulisi Jawa Tengah (1954). Piyambakipun lajeng dipunkintun dhateng Italia saperlu sinau malih babagan ngèlmu kepulisian. Pungkasaning taun 1960, piyambakipun dipundunungaken minangka Ajun Komisaris Besar Pulisi Kastaf wonten ing Markas Pimpinan Komandan Mobrig Pulisi Pusat.

Taun 1961, Soetjipto nglampahi pendidikan militèr-kepulisian wonten ing Advance Army School, Fort Benning, Amérikah Sarékat, kalajengaken kanthi pendidikan wonten ing Army Command & General Staff College, Fort Leavenworth, sarta kursus pertahanan sipil wonten ing New York. Sawangsulipun dhateng Indonésia, piyambakipun dipunpromosikaken njabat Komandan Mobrig Pulisi Pusat (1962). 2 taun candhakipun, Soetjipto dipunlantik dados Kepala Kapulisèn Nagara (1964) nggantosaken Jenderal Pol. Soekarno Djojonegoro.^[3]

Sapérangan prastawa-prastawa wigati nalika njabat minangka Kepala Kapulisèn Nagara:

19 Maret 1965 - Sekolah Staf lan Komando Angkatan Kapulisèn (Seskoak) wonten ing Lembang, Bandung, dipunbiyangun.
15 Maret 1965 - pemberlakuan KUHP Tentara, HAP Tentara lan KUDT kanggé anggota Polri

Piyambakipun dipungantosaken déning R. Soetjipto Joedodihardjo nalika 9 Mèi 1965. Sasampunipun punika, piyambakipun dados Duta Besar Rl kanggé nagara Bulgaria (1966-1969) lajeng dados anggota DPRGR lan MPRS (1970), sarta Anggota DPR-MPR RI dangunipun antawis 4 taun (1971-1974).

Penghargaan

Sapérangan tandha jasa ingkang sampun katampi:

Bintang Bhayangkara (I lan II)
Bintang Dharma
Bintang Gerilya
Satya Lencana:
- SL Panca Warna II
- SL Dasa Warsa
- SL Yana Utama
- SL Karya Bhakti
- SL Perang Kemerdekaan (I lan II)
- SL GOM (I sampai V)
- SL Veteran RI
The Order of Merit 3rd Class saking Républik Arab Bersatu (1961)

Cathetan suku

Didhisiki déning: '	{{{jabatan}}} 1966 - 1969	Diganti déning: '
Didhisiki déning: Soekarno Djojonegoro	{{{jabatan}}} 1963–1965	Diganti déning: Soetjipto Joedodihardjo

Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké.

[1] ttp://books.google.co.id/books/about/Biografi_Mayor_Jenderal_pulisi_R_Soetjip.html?id=VYmStwAACAAJ&redir_esc=y

[2] ttp://socio-politica.com/tag/soetjipto-danoekoesoemo/

[3] ttp://www.muséum.polri.go.id/kapolri3-soetjipto-danoe.html^{[pranala mati permanèn]}

[1]

[2]

[3]