Soekarno Djojonegoro

Komisaris Pulisi Raden Soekarno Djojonegoro (lair ing Banjarnegara, Jawa Tengah, 15 Mèi 1908 – pati ing Jakarta, 27 Novèmber 1975 ing umur 67 taun) inggih punika Kepala Kapulisèn Nagara Républik Indonésia (rumiyin ingkang nama Kepala Kapulisè Nagara) sakin 15 Dhésèmber 1959 dumugi 29 Dhésèmber 1963.[1]

Soekarno Djojonegoro

Awal gesang lan karir besut

Piyambakipun minangka putra angka sekawan Bupati Banjarnegara, Radèn Adipati Djojonagoro II. Karir kapulisènipun dipunwiwiti saking taun 1928, sasampunipun piyambakipun mungkasaken pendidikanipun wonten ing Osvia. Jabatan ingkang angka pisanipun inggih punika minangka AIB wonten ing Jatibarang. Piyambakipun lajeng dados Mantri Pulisi Residèn Jepara Rembang (1931), Asistèn Wedana Banyumas (1934), Asistèn Residèn Lampung (1935), Mantri Pulisi Kedungwuni, Pekalongan (1936), Asistèn Wedana Pulisi Tegal (1941), Kepala Seksi IV Pulisi Kota Semarang (1942), Kepala Pulisi Salatiga (1943), Kepala Pulisi Istiméwa Kota Semarang (1944), Keibikatyo Kota Semarang (1944), Kepala Pulisi Kendhal (1945), Kepala Umum Kantor Besar Pulisi Semarang (1945), Kepala Pulisi Karèsidènan Pekalongan (Pebruari 1950), Kepala Pulisi Karèsidènan Surabaya (Agustus 1950), Kepala Kepulisian Provinsi Jawa Timur (Dhésèmber 1950), lan Ajun Kepala Kepulisian Nagara (November 1959).[2]

Minangka Kepala Kapulisèn Nagara besut

Wonten ing 15 Dhésèmber 1959, Djojonegoro dipunlantik dados Kepala Kapulisen Nagara nggantosaken Raden Said Soekanto Tjokrodiatmodjo.

Sapérangan prastawa nalika piyambakipun njabat minangka Kepala Kapulisen Nagara:

  • 1960 - Kepolisan Nagara kagabung wonten ing ABRI
  • 1 Juli 1960 - 4 janji prajurit kepulisian, "Catur Prasetya" dipunikraraken
  • April 1961 - Catur Prasetya resmi dipundadosaken pedoman makarya kepulisian RI kejawi Tribrata minangka pedoman gesang
  • 1962 - Kepulisian Nagara Républik Indonésia gantos nama dados Angkatan Kepulisian RI (AKRI)

Masa kepemimpinanipun dipuntandhani konflik kaliyan Walanda lan pemberontakan-pemberontakan ingkang dipuntindakake déning PKI, DI/TII, APRA lan sanès-sansipun, nanging bab-babpunika saged dipuntandangi kanthi saé.

Sasampunipun Kapolri lan Pungkasaning Gesang besut

Piyambakipun kagantosaken déning Ajun Komisaris Besar Pulisi Soetjipto Danoekoesoemo nalika 30 Dhésèmber 1963 lan langsung dipunangkat minangka Mantri Penasihat Présidhèn kanggé Urusan Dalam Negeri. Djojonegoro mlebet masa pènsiun wiwit 31 Juli 1966. Dinten-dintenipun dipunlampahi kaliyan kulawarganipun.

Djojonegoro tilar donya wonten ing Griya Sakit Dr. Cipto Mangunkusumo, Jakarta. Piyambakipun nilaraken garwanipun, R.A. Sukatinah[3], lan 5 putra. Kanthi panyuwunipun, jenazahipun dipunsarèkaken wonten ing pasaréan mligi kanggé pasaréan kulawarganipun Djojonagoro, "Suwondo Giri" ing Banjarnegara.

Cathetan suku besut

  1. "Archive copy". Diarsip saka sing asli ing 2014-11-08. Dibukak ing 2013-02-14.{{cite web}}: CS1 maint: archived copy as title (link)
  2. http://www.muséum.polri.go.id/kapolri2-soekarno-djo.html[pranala mati permanèn]
  3. http://www.facebook.com/médhia/set/?set=a.157420044285204.40395.156893781004497&type=3


Didhisiki déning:
Soekanto Tjokrodiatmodjo
{{{jabatan}}}
1959–1963
Diganti déning:
Soetjipto Danoekoesoemo