Sri Aksan Sjuman
Sri Aksan Syuman (lair 22 Sèptèmber 1970; umur 53 taun) utawa luwih ditepungi kanthi jeneng Wong Aksan, musisi lan musikus Indonésia.[1] Aksan kang tau dadi drummer grup musik Déwa 19 iku anak saka sutradara légendaris, ya iku Sjuman Djaja.[1] Dhèwèké nggabung karo grup kang dibawahi Ahmad Dhani ing taun 1995.[1]
| Sri Aksan Sjuman | |
|---|---|
 | |
| Lair | Sri Aksan Sjuman |
| Pakaryan | pemusik, aktor |
| Taun aktif | 1994-saiki |
| Bojo | Titi Sjuman |
| Anak | Miyake Shakuntala |
| Wong tuwa | Sjuman Djaya, Farida Oetoya |
Aksan lumebu dadi drummer grup musik Déwa 19 sawisé album "Terbaik Terbaik" (1995) dirilis, nanging sawisé ngrampungaké album "Pandawa Lima", tanggal 04 Juni taun 1998, Wong Aksan ditokaké saka grup band iku, amarga gebukan drumé Wong Aksan dibiji ngarah karo musik jazz.[2] Saiki dhèwèké dadi drumer ing grup musik Potret.[1]
Dhèwèké palakrama karo Titi Handayani. Kenya iki dinikahi nalika tanggal 15 Agustus taun 2004.[1] Palakramané ing Masjid Al Azhar, Kebayoran Baru, Jakarta Kidul.[1] Dhèwèké nikahi Titi Handayani, kang uga drummer.[3] Acara pernikahan iku wis didhisiki lamaran ing taun 2004 kapungkur.[4] Ing adicara mau, diundang 450 wong, saka kalangan sélébriti lan kadang saprofèsiné kang cedhak.[4] Ing pernikan iku dhèwèké nganggo busana pangantèn rancangané Obin saka Bin House.[4] Pista pernikahan iku dadi bukti manawa sakloroné sérius anggoné nata omah lan bebrayanan amarga akèh wong kang ora yakin babagan kasériusan Wong Aksan karo Titi amarga bédané umur kang adoh, Aksan lair 22 September 1970, lan Titi lair 10 Fèbruari 1981.[4]
Cathetan sikil besut
- ↑ a b c d e f biografi Aksan Sjuman[pranala mati permanèn] diundhuh tanggal 4 Juli 2011
- ↑ sajarah Dewa 19 Archived 2007-12-19 at the Wayback Machine. diundhuh tanggal 6 Juli 2011
- ↑ pernikahan sri aksan syuman diundhuh tanggal 4 Juli 2011
- ↑ a b c d pernikahan wong aksan diundhuh tanggal 6 Juli 2011