Srihadi Soedarsono

Srihadi Soedarsono

Srihadi Soedarsono (wiyos ing Sala,Jawa Tengah 4 Dhésèmber 1931) punika satunggaling pelukis saking Indonésia ingkang karyanipun kathah dipunpadosi déning para kolektor saking Indonésia ugi mancanagara. Srihadi punika putra saking ingkang gadhah perusahaan batik ingkang kondhang, Raden Soedarsono lan Soekatmijah [1].

KarirBesut

  • Tentara Pelajar ing Sala (1945-1946),
  • Tiyang ingang damel poster perjuangan ing Balai Penerangan TNI Divisi X di Sala (1946-1948),
  • Anggota Tim Elemen Estetik gedung MPR -RI (1964-1966),
  • Anggota Tim Indonésia ing Expo-70 Osaka, Jepang(1969-1970),
  • Ketua Departemen Seni Rupa Institut Teknologi Bandung (1971-1973),
  • Lembaga Pendidikan Kesenian Jakarta (1974-1977),
  • Pelukis

Srihadi Soedarsono ingkang dados lulusan saking Balai Pendidikan Unversitas Guru Gambar Fakultas Teknik Universitas Indonésia, Bandung sapunika ITB taun 1959 nalika umur 14 taun ndhèrèk Tentara Pelajar ing Sala. Satunggal taun lajengipun ing Balai Penerangan TNI Divisi X Sala Srihadi damel poster-poster perjuangan. Saéngga Srihadi langkung kathah pikantuk tugas damel poster ingkang kala punika wigati kanggé nggugah semangat perjuangan[1].

Ing taun 1950, Srihadi dipunpindhah dhateng Yogyakarta. Awit punika Srihadi dados pelukis ingkang karyanipun wiwit dipungelar ing pameran. Lukisan cat lenga Srihadi dipuntengeri tarikan garis ingkang spontan lan kuwat, sarta sapuan babagan ingkang wiyar [1].

Karakteristik karya SrihadiBesut

Karyanipun Srihadi Soedarsono gadhah prosès damelan ingkang dawa lan berkelanjutan. Karya wiwitan punika dipunpengaruhi sanget déning asiling pendidikan inggih punika geomteris sintetik. Nalika taun 1960 wiwit damel eksperimentasi wonten ing wujud abstrak kanthi médhia tugelan kertas lan spontanitas warna. Mlebet ing taun 1970 langkung condhong impresionis liwat cat toya lan ekspresionis cat lenga ugi asring mlebetaken unsur simbolik ing lukisanipun.

PenghargaanBesut

  • Anugerah Seni saking Pamaréntah Republik Indonesia (1971),
  • Lencana Karya Satya RI kaping 30 (1975),
  • Cultural Award saking Pamaréntah Australia (1977),
  • Grant saking Pamaréntah Walanda (1977),
  • Bebungah Karya Seni Lukis paling saé Biennale III Dewan Kesenian Jakarta (1978),
  • Penghargaan Medali Perak saking Seoul Art International Competition, Koréa Kidul (1985) [1][2]

Ugi pirsaniBesut

Pratélan Seniman Indonésia

Cathetan sukuBesut

  1. a b c d [1], (id) Tokoh Srihadi (dipun-akses 13 Januari 2013).
  2. [2], (id) Artist - Srihadi Soedarsono(dipun-akses 13 Januari 2013).