Sunan Ngudung

Sunan Ngudung utawa Sunan Undung (lair: ? - séda: 1524) iku siji tokoh Islam anggota Walisanga sing uga dadi imam Masjid Demak nalika jaman papréntahan Sultan Trenggana. Naskah-naskah babad nyaritaké yèn Sunan Ngudung séda sajeroning paprangan nglawan Krajan Majapait, kasarekake ing saburining Mesjid Demak kanthi sengkalan ing sekaran muni pandhita trus sariraning tunggal.^[1]

Asal-Usul

Jeneng asli Sunan Ngudung ya iku Radèn Usman Haji, putra Sunan Gresik kangmasé Sunan Ampel. Kanthi mangkono Sunan Ngudung iki isih sadulur sepupu saka Sunan Bonang. Sunan Ngudung nikah karo Nyi Ageng Maloka putri Sunan Ampèl. Saka pernikahan mau lair Radèn Amir Haji, sing uga ajeneng Jakfar Shadiq alias Sunan Kudus.

Sunan Ngudung diangkat dadi imam Masjid Demak nggantèni Sunan Bonang watara taun 1520. Saliyané iku Sunan Ngudung uga kagabung dadi anggota dhéwan Walisanga, ya iku siji majelis dhakwah agama Islam ing Pulo Jawa.

Pranala njaba

Sejarah Sunan Kudus dan Sunan Ngudung Archived 2008-08-13 at the Wayback Machine.

Kapustakan

H.J.de Graaf dan T.H. Pigeaud. 2001. Karajan Islam Pertama di Jawa. Terj. Jakarta: Pustaka Utama Grafiti

↑ Suradipura, Radèn Ngabèi (1905). Serat Ardakandha.

[1] Suradipura, Radèn Ngabèi (1905). Serat Ardakandha.

[1]