Surén

Surén (Toona sureni utawa Toona Ciliata) ya iku wit taunan saka kulawarga Meliaeae. Wit iki dhuwuré bisa nganti 40 mèter lan dhiamèter galihé 100 sèntimeter. Galihé silindris lan wernané soklat kairengan. Kulit wit iki pecah-pecah lan ana aluré. Kayuné ngganda arum lan rada sengak. Godhongé majemuk nyirip lan lansét. Urat godhong werna soklat lan pinggiré ana eriné. Kembangé kasusun ing malai wernané putih lan ana wulu alusé. Wohé bundher lan ana wuluné. Nalika isih mentah, wohé wernané ijo lan malih dadi soklat menawa wis mateng.

Surén
Klasifikasi ngèlmiah
Karajan:	Plantae
Klad:	Tracheophyta
Klad:	Angiospermae
Klad:	Eudikotil
Klad:	Rosids
Ordho:	Sapindales
Famili:	Meliaceae
Génus:	Toona
Spésies:	T. sureni
Jeneng binomial
Toona sureni (Blume) Merr.
Sinonim
Cedrela febrifuga Blume Cedrela sureni (Blume) Burkill Swietenia sureni Blume Toona febrifuga (Blume) M.J. Roemer

Biologi lan Ékologi

Woh surén.

Surén ngembang ing sasi April. Wohé mateng ing sasi Juli. Tetuwuhan iki tuwuh mawa wiji. Pasebaran wiji direwangi dening angin. Wit iki bisa tuwuh nganti 1500 méter ing sadhuwuring sagara lan bisa tuwuh ana ing alas sekundhèr. Pasebaran tanduran iki ing Népal, Indhi, Bhutan, Myanmar, Indonésia, lan Papua Nugini.

Piguna

Kayu surén.

Kayu surén kagolong kayu kang awèt, saengga bisa kanggo piranti wangunan omah, gamelan, mèbel, lan uga gawé peti. Kulit kayu lan wiji surén bisa kanggo tonik, obat mèncrèt, antibiotik, lan insèktisida.