Syamsul Mu'arif

H. Syamsul Mu'arif B.A. (lair ing Kandangan, Hulu Sungai Selatan, Kalimantan Kidul, 8 Dhésèmber 1948; umur 75 taun) inggih punika mantri Nagara Komunikasi lan Informasi ing Kabinèt Gotong Royong.[1] Panjenenganipun pikantuk gelar sarjana enèm ing Institut Agama Islam Negeri Antasari.[2] Saking kelas 3 SD, panjenenganipun sekolahipun ing Madrasah Ibtidaiyah ingkang mligi nyinaoni babagan agami.[2] Salajengipun Syamsul mutusaken badhé sekolah ing sekolah ikatan dhinas lanjeng dipunlajengaken ing Banjarmasin ngantos kalih taun dangunipun.[2] Salajengipun Syamsul kondur malih dhateng Kandangan lan mucal.[2]

Syamsul Mu'arif
Mantri Komunikasi lan Informatika Républik Indonésia 26
Linggih
9 Agustus 2001 – 20 Oktober 2004
PrésidhènMegawati Soekarnoputri
Kang sadurungéYunus Yosfiah
Kang sawiséSofyan Djalil
Rerincèn dhiri
Lair (1948-12-08) Dhésèmber 8, 1948 (umur 75)
Indhonésia Kandangan, Hulu Sungai Kidul, Kalimantan Kidul,Indonésia
AgamaIslam

Taun 1967, panjenenganipun nglajengaken studinipun ing Fakultas Syariah Institut Agama Islam Negeri (IAIN) Kandangan, lan pikantuk gelar sarjana enèm (BA) ing IAIN Antasari.[2] Nalika taksih kuliyah Syamsul aktif ing organisasi Himpunan Mahasiswa Islam (HMI) lan pinitados dados Ketua Umum Dewan Mahasiswa IAIN Antasari Banjarmasin nalika taun 1975-1977.[2] Salajengipun Syamsul dados Ketua Umum Koordinasi HMI Kalimantan nalika taun 1977-1979. ing purwanipun taun 1980-an, Syamsul ndhèrèk Golongan Karya (Golkar).[2]

Nalika taun 1982, Syamsul kapilih dados wakil rakyat ing DPRD Tingkat 1 Kalimantan Kidul nalika yuswanipun nembé 33 taun, sesarengan kaliyan aktivitasipun minangka Ketua KNPI Kalimantan Kidul (1982-1985) lan Ketua AMPI Kalimantan Kidul (1985-1989).[2] Syamsul dados anggota DPRD ngantos taun 1987.[2] Nalika taun 1999, Syamsul kapilih njabat Ketua Fraksi Golkar DPR-RI. Sasampunipun Megawati Soekarnoputri dados présidhén ing wulan Juli 2001, Syamsul pinitados dados Mantri Komunikasu lan Informasi ing Kabinèt Gotong Royong.[2]

Cathetan suku besut

  1. Politisi Nagarawan dari Kalsel[pranala mati permanèn] dipunundhuh tanggal 6 Oktober 2011)
  2. a b c d e f g h i j Syamsul Mu'arif Archived 2010-05-29 at the Wayback Machine. dipunundhuh tanggal 6 Oktober 2011)

Pranala njawi besut

Politisi Nagarawan dari Kalsel[pranala mati permanèn]