Tal (topèng)
Tal (탈) ya iku jinis topeng kang asalé saka Koréa kang ngrembaka kawit jaman prasajarah.[1] Topeng Koréa uga dikenal kanthi aran gamyeon, gwangdae, chorani, talbak lan talbagaji.[1] Tal lumrahé digunakaké ing pementasan jogèd topeng (talchum) kang maineke pirang-pirang karakter wong, kéwan utawa makluk alus.[1]
Topeng Koréa bisa dikategorekake dadi topeng religius lan topeng seni kang digawé saka bahan kayu, kertas lan kulit.[1] Topeng religius ya iku jinis topeng kang dikeramatake ing kuil-kuil shamanisme lan digunakaké nalika ritual upacara.[1] Topeng religius liyané ya iku topeng Bangsangsi kang digunakaké nalika ritual ngubur mayit kanggo ngusir roh ala.[1] Topeng seni digunakaké ing pementasan talchum.[1] Salah siji jinis topeng kang misuwur ya iku topeng Hahoe kang digunakaké ing pementasan Hahoe Byeolsing-gut talnori (Jogèd Topeng Hahoe) ing Andong.[2]
Werna-warna kang racaké ana ing topeng Koréa ya iku abang, ireng lan putih kanggo nuduhake karakter tokoh kang dimainake.[1] Saliyané iku warna uga dadi pratandha jinis kelamin lan umuré karakter.[1] Topeng karakter wong tuwa wernane ireng, wong enom wernane abang lan wong wadon kang isih enom wernane putih.[1] Akeh-akèhé topeng Koréa minangka karakter rai manungsa nanging ana topeng kang nggambaraké rai déwa-déwa, lan kéwan.[1]
Cathetan suku
besut| Wikimedia Commons duwé médhia ngenani Masks of Koréa. |
| Artikel iki minangka artikel rintisan. Kowé bisa ngéwangi Wikipédia ngembangaké. |