Taman Nasional Glacier
Taman Nasional Glacier yaiku sawijing taman nasional kang kapernah ing wewatesan antara Amerika Sarékat lan Kanadha. Taman nasional iki duwéni kali kang dawané luwih saka 1.500 mil lan 700 tlaga, rawa, lan kolam.[3] Ékosistem ing taman iki ora keganggu lan utuh amarga (1) taman iki dikukuhké taun 1910, mula ékosistemé karumat lan kajaga kanthi suwé lan (2) ambané taman iki (luwih 1 yuta are) dikupengi déning alas kang dijaga.
| Taman Nasional Glacier | |
|---|---|
IUCN kategori II (taman nasional) | |
 Wedhus gunung (simbol taman nasional) kang ngadeg ing dhuwuré tlaga | |
| Pernah | Flathead County & Glacier County, Montana, Amérikah Sarékat |
| Kutha cedhak dhéwé | Columbia Falls, Montana |
| Koordhinat | 48°41′48″N 113°43′6″W / 48.69667°N 113.71833°WKoordhinat: 48°41′48″N 113°43′6″W / 48.69667°N 113.71833°W |
| Laladan | 1,013,322 acres (4,100.77 km2)[1] |
| Dikukuhaké | May 11, 1910 |
| Dhayoh | 2,965,309 (ing 2018)[2] |
| Bebadan pamaréntahan | National Park Service |
| Pérangan saka | Taman Nasional Waterton-Glacier International |
| Kritéria | Alam: vii, ix |
| Rujukan | 354 |
| Katulis | 1995 (ping 19 sèsi) |
Hawa
besutHawa ing Taman Nasional Glacier ora bisa dikira-kira kanthi gampang. Lumrahé papan iki adhem lan akèh salju, uga bisa adhem banget kanthi udan salju.[4] Hawa ing taman nasional iki bisa kanthi èkstrim. Tuladhané ing usum panas, yaiku bisa panas ing wayah awan lan bisa adhem njekut ing wayah wengi. Nalika tahun 1980an lan 1990an hawa ing wayah awan hawané adhem banget kaya ta hawané wayah wengi ing tahun 1940an. Sanadyan wayah awan, wong kang padha plesir ing papan iki diprayogakaké nggawa klambi kang kandhel. Amarga sawektu-wektu hawané bisa dadi adhem banget.[5]
Hawa ing taman nasional iki bisa diperang ing rong jinis amarga diperbawani déning kaanan géografi. Taman nasional iki kapernah ing antarané Samodra Pasifik lan Samodra Artika. Angin kang saka kulon (Samodra Pasifik) ngasilaké hawa kang anget, mula ing sisih kulon hawané bisa luwih 90 °F lan asring udan. Nanging angin saka lor-wétan (Samodra Artik) nggawa hawa adhem lan garing.[5]
| Dhata iklim Taman Nasional Glacier, kanthi dhuwur 3,154 feet (961 m) | |||||||||||||
|---|---|---|---|---|---|---|---|---|---|---|---|---|---|
| Sasi | Jan | Fèb | Mar | Apr | Mèi | Jun | Jul | Agu | Sèp | Okt | Nov | Dhès | Taun |
| Cathetan paling dhuwur °F (°C) | 55 (13) |
58 (14) |
66 (19) |
83 (28) |
90 (32) |
93 (34) |
99 (37) |
99 (37) |
95 (35) |
79 (26) |
65 (18) |
52 (11) |
99 (37) |
| Rerata suhu sing dhuwur °F (°C) | 30.5 (−0.8) |
35.0 (1.7) |
43.2 (6.2) |
54.0 (12.2) |
64.5 (18.1) |
71.7 (22.1) |
80.0 (26.7) |
79.3 (26.3) |
67.5 (19.7) |
52.3 (11.3) |
37.3 (2.9) |
28.8 (−1.8) |
53.8 (12.1) |
| Rerata suhu sing dhuwur °F (°C) | 18.3 (−7.6) |
18.9 (−7.3) |
24.6 (−4.1) |
30.6 (−0.8) |
38.0 (3.3) |
44.3 (6.8) |
48.5 (9.2) |
47.1 (8.4) |
39.3 (4.1) |
32.0 (0) |
25.5 (−3.6) |
17.8 (−7.9) |
32.1 (0.1) |
| Cathetan paling asor °F (°C) | −35 (−37) |
−32 (−36) |
−30 (−34) |
3 (−16) |
13 (−11) |
24 (−4) |
31 (−1) |
26 (−3) |
18 (−8) |
−3 (−19) |
−29 (−34) |
−36 (−38) |
−36 (−38) |
| Rerata curah udan inches (mm) | 3.23 (82) |
1.98 (50.3) |
2.08 (52.8) |
1.93 (49) |
2.64 (67.1) |
3.47 (88.1) |
1.70 (43.2) |
1.30 (33) |
2.05 (52.1) |
2.49 (63.2) |
3.27 (83.1) |
3.01 (76.5) |
29.15 (740.4) |
| Rerata udan salju inches (cm) | 29.5 (74.9) |
16.8 (42.7) |
13.6 (34.5) |
2.9 (7.4) |
0.3 (0.8) |
0.0 (0) |
0.0 (0) |
0.0 (0) |
0.0 (0) |
1.7 (4.3) |
17.9 (45.5) |
34.3 (87.1) |
117 (297.2) |
| Rerata dina udan (≥ 0.01 in) | 16.5 | 12.9 | 13.5 | 12.1 | 14.0 | 14.7 | 9.5 | 7.8 | 9.4 | 12.4 | 16.2 | 16.5 | 155.5 |
| Rerata dina salju (≥ 0.1 in) | 12.6 | 8.3 | 5.8 | 1.8 | 0.3 | 0.0 | 0.0 | 0.0 | 0.0 | 0.8 | 6.9 | 13.4 | 49.9 |
| Sumber #1: NOAA (normal, 1981–2010)[6] | |||||||||||||
| Sumber #2: Punjering iklim laladan kulon (1949–saiki)[7] | |||||||||||||
Kéwan lan tetuwuhan
besutKéwan lan tetuwuhan ing taman nasional iki manéka werna, amarga papan iki manggon ing antarané déning Samodra Pasifik, Samodra Atlantik, lan Teluk Hudson. Taman nasional Glacier lan Taman Nasional Waterton dikukuhaké minangka cagar biosfer nagarantara situs warisan donya (World Heritage Place) ing taun 1995.
Kéwan
besutManéka kéwan dumunung ing Taman Nasional Glacier. Kéwan-kéwan iku kalebu ing taksonomi kulawarga amfibi, manuk-manukan, kéwan gegremetan, iwak-iwakan, reptile, lan mamalia.
Amifibi
besut.jpg)
Taman Nasional Glacier iku dadi omah déning 6 spésies amfibi.[3] Spesiés iku antarané:
- Anaxyrus boreas (kodhok kulonan)
- Rana luteiventris (kodhok Columbia)
- Ascaphus montanus (kodhok buntut Rocky Mountain)
- Pseudacris regilla (kodhok wit Pasifik)
- Pseudacris maculate (kodhok Boreal Chorus)
- Ambystoma macrodactylum (salamander sikil dawa)
Manuk-manukan
besut
Taman iki duwéni spésies manuk luwih saka 260 jinis.[8] Spésies kang akeh amarga taman nasional iki duwéni kahanan lemah lan banyu kang akèh. Lingkungan iku kahanan kang cocok dinggu urip manuk. Spésies manuk kang urip ing papan iki antarané:
- Cinclus mexicanus
- Nucifraga columbiana
- Gavia immer
- Haliaeetus leucocephalus
- Aquila chrysaetos
- Histrionicus histrionicus
- Surnia ulula
- Lagopus leucurus
Iwak-iwakan
besutIwak kang urip ana taman nasional iki akèh-akèhané jinis trout. Iwak iku urip ing danau sisih kulon taman nasional iki. Jinis iwak trout kaya ta trout pelangi, bull throut, lan brrok trout.[9]
Kéwan gegremetan
besutKéwan gegremetan ing taman nasional iki duwéni spésies udakara cacah 5 yuta. Kéwan gegremetan iku antarané kewan gegremetan iku dhéwé, temangga, lan klabang. Kéwan iku akeh urip ing lemah lan kayu-kayu kang gapuk amarga kéwan-kéwan iku padha mangani samubarang kang mati banjur diolah dadi nutrien kang bisa nyuburaké lemah.[10]
Mamalia
besut
Kéwan mamalia kang urip ing taman iki udakara 71 spésies. Mamalia cilik nganti mamalia gedhé urip ing taman iki. Mamalia iku antarané:
- Lawa
- Beruang
- Castor canadensis
- Ovis canadensis
- Cervus canadensis
- Lynx canadensis
- Oreamnos americanus
- Felis concolor
- Ochotona princeps
- Gulo gulo
Rèptil
besutRèptil kang manggon ana taman nasional iki udakara ana 3, yaiku:[11]
- Ula garter
- Bulus kulonan
- Boa karet
Tetuwuhan
besutTetuwuhan kang urip ing taman iki manékawerna amarga taman iki manggoni 4 provinsi kapernah ing antarané 3 laladan banyu (Arktik, Atlantik, lan Pasifik). Variasi tetuwuhan antara lor lan kidul béda, amarga anané separuh taman sisih lor kalebu alas tadhah udan. Taman Nasional Glacier iku omah kanggo 1.132 spésies tetuwuhan vaskulèr. Ana 88 tetuwuhan tahunan lan 804 tetuwuhan janganan. Tetuwuhan ing taman iki antarané rumput, paku-pakuan, jamur, kembang, lumut, lichen.[12]
Plesiran
besutTaman nasional iki adoh marang kutha-kutha gedhé ing Amérikah Sarékat lan Kanadha. Menawa plesir ing taman nasional bisa numpak pesawat lan mudhun ing Papan Anggegana Kalispel Montana.[13] Menawa arep mubeng-muben ing taman iki bisa numpak Bus Abang (Red Bus) kang dikemunah déning Ford Motor Company. Bus iki bisa nganggkut 17 panumpang, lan dhuwuré kebuka supaya para panumpang bisa deleng sesawangan ana taman nasional. Bahan bakar bus iki nganggo LPG lan propana, supaya lingkungan luwih aman.[14] Kagiyatan kang bisa dilakoni ing taman nasional iki kaya ta munggah bukit, mancing, kémah, fotografi, nyepédha, numpak perahu lan nganjat gunung.[15]
Rujukan
besut- ↑ "Listing of acreage as of December 31, 2011". Land Resource Division, National Park Service. Dibukak ing March 6, 2012.
- ↑ "NPS Annual Recreation Visits Report". National Park Service. Dibukak ing March 7, 2019.
- ↑ a b Glacier, Mailing Address: PO Box 128 West; Us, MT 59936 Phone:888-7800 Contact. "Amphibians - Glacier National Park (U.S. National Park Service)". www.nps.gov (ing basa Inggris). Dibukak ing 2019-12-14.
- ↑ Glacier, Mailing Address: PO Box 128 West; Us, MT 59936 Phone:888-7800 Contact. "Current Conditions - Glacier National Park (U.S. National Park Service)". www.nps.gov (ing basa Inggris). Dibukak ing 2019-12-14.
- ↑ a b Glacier, Mailing Address: PO Box 128 West; Us, MT 59936 Phone:888-7800 Contact. "Weather - Glacier National Park (U.S. National Park Service)". www.nps.gov (ing basa Inggris). Dibukak ing 2019-12-18.
- ↑ "MT West Glacier". National Oceanic and Atmospheric Administration. Dibukak ing July 9, 2013.
- ↑ "West Glacier, Montana". Western Regional Climate Center. Dibukak ing July 9, 2013.
- ↑ Glacier, Mailing Address: PO Box 128 West; Us, MT 59936 Phone:888-7800 Contact. "Birds - Glacier National Park (U.S. National Park Service)". www.nps.gov (ing basa Inggris). Dibukak ing 2019-12-14.
- ↑ Glacier, Mailing Address: PO Box 128 West; Us, MT 59936 Phone:888-7800 Contact. "Fish - Glacier National Park (U.S. National Park Service)". www.nps.gov (ing basa Inggris). Dibukak ing 2019-12-18.
- ↑ Glacier, Mailing Address: PO Box 128 West; Us, MT 59936 Phone:888-7800 Contact. "Insects, Spiders, Centipedes, Millipedes - Glacier National Park (U.S. National Park Service)". www.nps.gov (ing basa Inggris). Dibukak ing 2019-12-14.
- ↑ Glacier, Mailing Address: PO Box 128 West; Us, MT 59936 Phone:888-7800 Contact. "Reptiles - Glacier National Park (U.S. National Park Service)". www.nps.gov (ing basa Inggris). Dibukak ing 2019-12-14.
- ↑ Glacier, Mailing Address: PO Box 128 West; Us, MT 59936 Phone:888-7800 Contact. "Plants - Glacier National Park (U.S. National Park Service)". www.nps.gov (ing basa Inggris). Dibukak ing 2019-12-14.
- ↑ "REAL ID Information Glacier International Airport GPIA". iflyglacier.com. Diarsip saka sing asli ing 2019-12-18. Dibukak ing 2019-12-18.
- ↑ "1930s White Glacier National Park Red Bus". www.seriouswheels.com. Dibukak ing 2019-12-18.
- ↑ Glacier, Mailing Address: PO Box 128 West; Us, MT 59936 Phone:888-7800 Contact. "Things To Do - Glacier National Park (U.S. National Park Service)". www.nps.gov (ing basa Inggris). Dibukak ing 2019-12-18.