Wikipédia

The Tourist

The Tourist inggih punika filem detektif saking Amérikah Sarékat ingkang kadamel taun 2010. Filem punika dipunsutradarani Florian Henckel von Donnersmarck. Ingkang maragani filem punika antawisipun Angelina Jolie lan Johnny Depp, sarta dipunsengkuyung déning cameo Timothy Dalton (salah satunggalipun paraga filem James Bond). Filem punika dipundamel ambalan saking filem Perancis sesirah Anthony Zimmer (2005), ingkang nyariyosaken babagan satunggalipun mafia ingkang dados buronan 14 nagari lan satunggal kelompok gangster, mengsahipun, sarta lelampahan katresnanipun kaliyan salah satunggalipun agen FBI.[3][4][5][6]

The Tourist
Theatrical release poster
DisutradaraniFlorian Henckel von Donnersmarck
Diprodhuseri
Diskénariyoni
AdhedhasarAnthony Zimmer
déning Jérôme Salle
Dibintangi
DimusikiJames Newton Howard
SinématografiJohn Seale
Dibesut déning
Perusahaan
prodhuksi
Dibabar déningColumbia Pictures
Tanggal metu
Suwéné
103 menit
NagaraAmérikah Sarékat
Basa
  • English
  • French
  • Italin
  • Russian
  • Spanish
Rantaman$100 yuta[1]
Kalarisan$278.3 yuta[2]

Sinaosa para pamirsa lan juru kritik kirang nampi kanthi saé, éwasemanten filem punika kepara mlebet nominasi tiga kategori ing adicara Golden Globes, lan kathah pitakènan, sajatosipun filem punika kagolong kumedhi napa sandhiwara. Henckel von Donnersmarck wongsal-wangsul ngendika bilih filem punika genre sanès. Piyambakipun mratélakaken, "satunggalipun roman pangulandara kanthi nglebetaken suwasana thriller." Nanging manawi dipunaturi milih, piyambakipun nyebat filem kumedhi.

Latar wingking

besut

The Tourist kathah nyariyosaken lelampahan asmara antawisipun Elise (Angelina Jolie) lan Frank (Johnny Depp) ugi karuwetan ing salebetipun. Nanging sandhiwara punika ugi nglebetaken cariyos detèktif saéngga nggiring para pamirsa supados tansah mbedhèk, sinten punika sajatosipun Elise lan wonten pundi papan dunungipun Alexander Pearce ingkang dados déning 14 nagari. Nalika para pamirsa wiwit ngremeni kaprigelan paraga wanita Angelina Jolie lan Johnny Depp, pamanggih pamirsa mesthinipun badhé kagiring tumuju pungkasanipun cariyos. Juru arah Florian Henckel von Donnersmarck sengaja ngripta karuwetan pamanggih punika kanthi samekta. Lelampahan asmara kekalih paraga ingkang tembé pinanggih wonten satunggal filem punika dados filem pamungkas taun 2010.[7][8] Sasampunipun kababar, filem punika kasil ngempalaken arta US $278 yuta saking panggiyaran sadonya. Wondéné wragad ingkang sampun medal inggih punika US $100 yuta.[2]

Ringkesan

besut

Cariyos kawiwitan nalika Elise (Angelina Jolie) ingkang dados inceran pulisi Inggris ngginakaken Frank Tupelo (Johnny Depp), salah satunggalipun pelancong saking Amérikah Sarékat. Elise ingkang sajatosipun pacanganipun Alexander Pearce nyobi manggihi kanthi ngginakaken kawontenanipun Frank. Boten dangu Frank nandang kasmaran dhumateng Elise, wanita ayu ingkang tuhu merak ati. Nanging prakawis punika kepara malah ndadosaken piyambakipun dipunincer. Ing papan panggènan sanès, Inspektur John ingkang sampun gadhah tekad badhé nyepeng Alexander Pearce awit saking prakawis pajek, nyobi pados katrangan lumantar Elise. Sandhiwara sansaya éndah nalika Frank ingkang ngakèni pedamelanipun minangka guru matematika punika pungkasanipun dipunanggep minangka Alexander Pearce, saé déning pulisi Inggris lan komplotan mafia Ruslan ingakang dipunarsani déning Reginald Shaw (Steven Berkoff).[9][10][11][12][13][14][15][16][17] Lan leres, ing pungkasanipun cariyos, Frank Tupelo punika sajatosipun Alexander Pearce ingkang sampun oprasi pasuryan lan sinau basa Inggris lan ngakèni minangka guru matematika saking Amérikah Sarékat. Elis piyambak mboten mangertos kajawi nalika Frank saget mbika brankas arta ingkang sandhinipun namung piyambakipun kaliyan Alexander Pearce ingkang mangertos.

Ingkang maragani

besut

Pangaji

besut
Bebungah
Adicara Bebungah Kategori Panampi Kasil
Hollywood Foreign Press Association
Golden Globe Award
 Best Picture: Musical or Comedy Nominasi
Best Actor: Musical or Comedy Johnny Depp Nominasi
Best Actress: Musical or Comedy Angelina Jolie Nominasi
2011 Teen Choice Awards
Teen Choice Awards
 Choice Movie: Action Nominasi
Choice Movie: Actor Action Johnny Depp Menang
Choice Movie: Actress Action Angelina Jolie Menang
2011 Redbox Movie Awards
Redbox Movie Awards
 Most rented drama Menang
2011 ASCAP Awards
ASCAP Film and Television Music Awards
 Top Box Office Films James Newton Howard Menang

Rujukan

besut
  1. ↑ Fritz, Ben (December 9, 2010). "Movie Projector: New 'Narnia' looks solid, 'Tourist' will struggle as Christmas movie season begins". Los Angeles Times. Tribune Company. Dibukak ing December 9, 2010.
  2. ↑ a b "The Tourist (2010)". Box Office Mojo. March 10, 2011. Dibukak ing July 6, 2011.
  3. ↑ "Review: The Tourist". NewCityFilm.com. Newcity Communications, Inc. December 10, 2010. Dibukak ing July 30, 2013.
  4. ↑ Paul Asay (2011). "The Tourist: Video Review". PluggedIn.com. Focus on the Family. Dibukak ing July 30, 2013.
  5. ↑ Kumpulan Cerita Archived 2015-05-22 at the Wayback Machine., diakses 4 Mèi 2015
  6. ↑ Cinema Poetica: Sang Mafia Ikut Berwisata, Filmnya Jadi Cokelat Semua, diakses 4 Mèi 2015
  7. ↑ Saat sang kapten jatuh cinta pada Lara Croft, diakses 4 Mèi 2015
  8. ↑ Fleming, Mike (October 28, 2009). "King Coins "The Tourist" at Col". Variety. Diarsip saka sing asli ing January 4, 2010.
  9. ↑ "See Brad and Angelina's Bosnia Date Night Before His Parents Arrived in Venice!". PopSugar.com. April 14, 2010. Dibukak ing October 8, 2010.
  10. ↑ "Frédéric Mitterrand se rend sur le tournage de "The tourist " de Florian Henckel Von Donnersmarck". February 23, 2010. Diarsip saka sing asli ing March 18, 2016. Dibukak ing May 17, 2017.
  11. ↑ "THE TOURIST (USA 2010)". kulturexpress. Dibukak ing July 30, 2013.
  12. ↑ "The tourist movie locations". Culture Communication. Diarsip saka sing asli ing March 18, 2016. Dibukak ing July 30, 2013.
  13. ↑ "The Tourist (2010) Filming Locations". IMDb.
  14. ↑ ""The Tourist" movie location in Venice". your Italin guide. August 31, 2011.[pranala mati permanèn]
  15. ↑ "Cinema in Venice". Starwood Hotels & Resorts. Diarsip saka sing asli ing 2013-08-06. Dibukak ing 2017-05-17.
  16. ↑ "The Tourist". Find That Location. October 28, 2011. Dibukak ing July 30, 2013.
  17. ↑ "The Tourist". MICHAEL SCHUERMANN. Paris Movie Walks. Diarsip saka sing asli ing October 22, 2013. Dibukak ing July 30, 2013.
Artikel iki ditulis nganggo basa krama.


Dijupuk saka "https://jv.wikipedia.org/w/index.php?title=The_Tourist&oldid=1704005"