Tina Talisa (lair ing Bandung, Jawi Kilèn, 24 Dhésèmber 1979; umur 44 taun)[1], punika salah satunggaling présènter tivi Indonésia.[1] Tina Talisa punika mantan finalis Puteri Indonésia 2003, juwara I Mojang Jawi Kilèn 2003, saha juwara I Mojang Kitha Bandung 2002.[1] Tina Talisa punika gadhah karir dados newcaster, kejawi punika Tina panci remen ing donyaning broadcasting saha naté nyambut damel wonten Radhio Paramuda saha Radhio Mustika.[1] Tina ugi dados présènter pawarta Reportase Sore, program pawarta ing Trans TV.[1]

Tina Talisa

Nalika wulan Juni 2007, Tina Talisa pindhah siyaran wonten ing Lativi ingkang wiwit taun 2008 punika dados stasiun TV kanthi fokus pawarta saha ulah raga kanthi nama TV ONE.[1] Wonten ing stasiun tivi punika, Tina Talisa dados asistèn prodhuser saha ngrangkep dados présènter pawarta.[1] Tina ugi dados présènter wonten ing program Apa Kabar Indonésia Malam ingkang siyaran wonten ing Wisma Nusantara, kawasan Bundaran Hotèl Indonésia.[1]

Pendhidhikan besut

Tina Talisa naté dados dhokter waja.[2] Tina Talisa punika Lulusan Fakultas Kedhokteran Gigi Universitas Padjajaran, Bandung nalika taun 2001.[2] Tina Talisa lajeng kuliyah ing Program Magister Ilmu Komunikasi wonten ing Fakultas Ilmu Komunikasi Universitas Padjajaran, Bandung.[2]

Kulawarga besut

Tina naté palakrami kaliyan putranipun mantan Kepala Bapennas Paskah Suzetta ingkang namanipun Muhammad Eggi Hamzah.[2] Nanging, Tina Talisa lajeng pegatan nalika taun 2009.[2] Tina lajeng palakrami malih kaliyan pengusaha rèstoran saking Acèh, kang ugi gadhah status dudha nalika tanggal 17 Juli 2011.[2] Tina Talisa lajeng resmi dados garwanipun Amrinur Okta Jaya ingkang biyasa dipuntimbali kanthi asma Bang Ade.[2] Acara akad nikah dipunwontenaken ing Hotèl Nikko, Jakarta Pusat, Minggu tanggal 17 Juli 2011 kanthi maskawin perhiasan emas ingkang awratipun 53 gram saha saprangkat piranti salat.[2]

Cathetan suku besut

  1. a b c d e f g h infoselebindo.com Archived 2011-11-09 at the Wayback Machine.(dipunundhuh tanggal 21 September 2011)
  2. a b c d e f g h selebriti.kapanlagi.com(dipunundhuh tanggal 21 September 2011)