Titis Basino

Titis Retnoningrum Basino ingkang miyos wonten ing Magelang, Jawa Tengah tanggal 17 Januari 1939 inggih punika salah satunggaling sastrawan èstri ing Indonésia ing wekdal 1960-1990-an. Sadèrèngipun taun 1980-an, Titis boten kathah dipunkenl déning tiyang amargi seratanipun nembé wujud carita pendek dèrèng dados novèl. Nembé ing pungkasaning taun 1980-an saha ing taun 1990-an novèl-nvelipun kathah ingkang medal. Titis nikah kaliyan Ir. Purnomo Ismadi ing tanggal 5 Mèi 1964.

Titis Retnoningrum Basino
Lair	(1939-01-17) Januari 17, 1939 Magelang, Jawa Tengah
Pakaryan	Penulis, Sastrawan, Jurnalis

Riwayat Pendhidhikan

Titis Basino inggih putri saking pasangan Basino Atmodisuryo saha Suparmi. Piyambakipun sekolah ing tingkat sekolah dhasar (SD) saha SMP lan SMA wonten ing kitha Purwokerto. Piyambakipun rampung sekolah dhasar ing taun 1945; SMP rampung ing taun 1955, lan SMA rampung ing taun 1958. Sabibaripun lulus saking SMA, lajeng Titis pindhah dhateng Jakarta lan nerasaken kuliah wonten ing Fakultas Sastra. Universitas Indonésia. Piyambakipun ngrampungaken sarjana mudh ing taun 1961, lajeng makarya dados karyawan ing pabukon FSUI dangunipun satunggal taun ing taun 1962. Lajeng, Titis makarya aos pramugari ing maskapé penerbangan Garuda Indonésia Airways (1963-1964).

Wiwitan dados Pujangga

Titis wiwitan nyerat ing taun 1957, nalika piyambakipun taksih sekolah ing SMA. Ing wekdal punika asiling seratanipun, kathah ingkang mlebet ing kalawarta sekolahipun. Lajeng ing taun 1963, piyambakipun wiwitan kaloka déning pamaos sastra Indonésia saking cariyos cekakipun ingkang gadhah irah-irahan "Dia, Hotèl, dan Surat Dudutan" ingkang dipunwedalaken déning kalawarta "Sastra" lan nampi bebungah panglipur. Karyanipun ingkang sapisan inggih punika “Meja Gambar” dipunterjemahaken wonten ing basa Inggris dados “The Drafting Table” ingkang dipunseat déning Claine Sivensen saha dipunwedalaken déning Yayasa Lontar. Titis lajeng rmen nyerat lan ngasilaken kathah karyanipun, ngantos diken mandheg nyerat kaliyan kulawarganipun ing taun 1997.

Pangaji-aji

Ing taun 1998 Titis pikantuk Pangaji-aji Sastra saking Pusat Pembinaan dan Pengembangan Basa awit saking karyanipun Dari Lembah ke Coolibah. Lajeng ing taun 1999, pamarѐntah Malaysia maringaken pangaji Mastra, satunggaling pangaji dhateng karya sastra ingkang dipunanggep kompetitif ing Asia Tenggara. Sanajan ingkang dipunserat déning Ttis punika ing samubarang topik, nanging asiling karya ingkang misuwur inggih ingkang ngengingi bab kaum wanita saha prakawis-prakawis ingkang kadadosan ing salebeting gesang pribadi kaum wanita.

Karya tulis

Cerita pendek

• Pelarian (1962)
• Dia, Hotèl, Surat Dudutan (1963)
• Aku Melihat Senyumnya (1964)
• Lesbian (1976)
• Rumah Dara (1977)
• Sarang Burung (1997)
• Mendaratnya Sebuah Kapal (1997)
• Mawar Hari Esok (1997)
• Susuk (carkak, dalam John H. McGlynn, Menagerie I, Jakarta: Lontar Foundation)

Novèl

• Bukan Rumahku (1976)
• Pelabuhan Hati (1978)
• Di Bumi Aku Bersua di Langit Aku Bertemu (1983)
• Trilogi: Dari Lembah Ke Coolibah (1997); Welas Asih Merengkuh Tajali (1997); Menyucikan Perselingkuhan (1998)
• Aku Supiah Istri Wardian (1998)
• Tersenyumpun Tidak Untukku Lagi (1998)
• Terjalnya Gunung Batu (1998)
• Aku Kendalikan Air, Api, Angin, dan Tanah (1998)
• Rumah Kaki Seribu (1998)
• Tangan-Tangan Kehidupan (1999)
• Bila Binatang Buas Pindah Habitat (1999)
• Mawar Hitam Milik Laras (1999)